Евро-2024. Акмал Холматов: "Хорватия ёшарган ҳолда янада кучли терма жамоага айланади. Кутилмаган номлар қизиқ эмас. Лекин..."

Терма жамоалар гуруҳ босқичидаги иштирокларини якунига етказмоқда. Омади келганлар кейинги босқичга, яна айримлари ўз юртларига йўл олишмоқда. Биз бу борада "Пахтакор", "Нефтчи" жамоалари собиқ футболчиси Акмал Холматовнинг фикрлари билан қизиқдик. 

"Умуман олганда ҳамма терма жамоалар яхши таассурот қолдирмоқда. Бу оддий мусобақа эмас, Европа чемпионати. Шундай экан ўйинлар шиддатли ўтмоқда. Аввалгиларидан ажралиб турадиган жиҳатлари бор. Менга Грузия терма жамоасининг ўйини ёқди. Кутилмаган номлар жуда ҳам қизиқ дея олмайман. 

Хорватиянинг ўйинига тўхталсак, улар ҳар доимгидек кучли. Лекин омади келмаяпти. Кучли мураббий таркибни ёшартиртирган ҳолда янада кучлироқ жамоага айлантириши мумкин. 

Фаворитлар кучини тежаяпти эмас, рақиблар яхши қаршилик кўрсатмоқда. Улар ўз ўйинларини ўйнаяпти",- дейди Акмал Холматов. 

Абдулазиз Искандаров