Это'О учун ким энг зўри? Гвардиола, Моуриньо эмас умуман бошқа инсон

"Гвардиола қўл остида мен футбол ўйнашни ўрганганман. У ўз қўл остидаги футболчиларга доимо дунёнинг энг яхшилари деб қараган. Аммо у доимо муҳим ўйинларда ютқазиб қўяди.

Моуриньонинг миясида эса барча унга бўйсуниши ва одатларига тоқат қилиши керак деган фикр ётади. Жароҳатимни даволаганимдан кейин у мени бир ой захирада ўтиришга мажбур қилди ва кейинчалик у мени ўз хонасига чақирди. Ўшанда у барча ишни мен учун қилаётганини, жароҳатим борасида шифокорлар билан гаплашиб шу қарорга келганини айтди. Кейинчалик яна асосий таркибга қайтиб, ўзимнинг юқори ҳолатимни тиклаб олдим. Ўшанда Моуриньо тўғри йўл тутганини билдим.

Моуриньо билан биз барча совринларни ютдик. Аммо улардан бирини танлаш? Уларнинг иккиси ҳам ажойиб мураббийлар. Аммо, мен учун мактабдаги мураббийим Луис энг зўри", - деди Это'О.