"Gent"ning kamerunlik tarbiyalanuvchisi, o'ng qanot vingeri Serj Tabeku erkin agent sifatida "Nasaf" bilan kelishuv tuzishi mumkin.
Futbolchi faoliyati davomida Belgiyaning "Gent", "Aud-Xeverle Lyoven", "Yunion", "Muskron" kabi klublarida, shuningdek, Fransiyaning "Sedan" va Turkiyaning "Manisa" jamoalarida to'p tepgan. Bundan tashqari, u Kamerun terma jamoasida 5 ta o'yinda 1 ta gol urgan.
Uning oxirgi klubi "Muskron" edi. Transfermarkt portali 25 yoshli o'yinchini 600 ming evroga baholagan.
Avvalroq "Nasaf" braziliyalik hujumchini o'z safiga qo'shib olgandi.
