"Al Hilol" – "Paxtakor" 4:0

Dastlabki o'yin: 0:1

Gollar: Hamad al-Yami (31), Malkom (42), al-Davsari (51-p), Nosir al-Davsari (90).

"Al Hilol": 37. Yassin Bunu, 87. Al-Tambakti, 3.Kulibali (4. Halifa al-Davsari,81), 88. Hamad, 24. Moteb (6. Renan Lodi, 73), 8. Nevesh, 28. Ibrohim Kanno, 29. Salim Al Dovsari, 77. Malkom, 27. Kayo Cezar, 11. M.Leonardo (16. Nosir al-Davsari, 74)
"Paxtakor": 19. Jonatan, 3.Shahzod Azmiddinov, 4.Abdulla Abdullaev, 7.Xojiakbar Alijonov, 8.Diyor Xolmatov (9. Ibrohim Ibragimov, 67), 17.Dostonbek Hamdamov, 22.Umar Adhamzoda, 23.Abdurauf Bo'riev, 47.Jonatan Lukka (45. Bashar Resan, 46), 50.Flamarion, 94. Brayan Riaskos (37. Igor Sergeev, 46).

Ogohlantirish: Dostonbek Hamdamov (36), Moteb (59).

YANGILASH

Uchrashuv yakunlandi. "Paxtakor" OCHLni tark etdi.

90. 4:0. Uchrashuv va barchasi yakunlandi. Nosir al-Davsari.

85. "Al Hilol" o'yinni asta-sekin "o'ldirish" niyatida.

82. Ana endi barchasini tamom deyish mumkin. Vaziyatdan chiqib ketish juda qiyin.

78. To'p to'satdan Kulibalining tayanch qo'liga tegdi. Menimcha bunday holatda VAR ishga tushmaydi va penalti berilmaydi.

76. Jonatandan seyv. Reakciyasi juda kuchli ekan, yaxshiyam shu darvozabon turibdi. Kamida 6ta gol ko'rgan bo'lardik.

72. Omad kelmasayam qiyin ekan. Burchakdan uzatilgan to'pni Flamarion darvozaga yo'lladi. Kulibali to'pni qaytardi.

70. GOL! 4:0. Leonardo deb yozayotgan edim. Gol inobatga olinmadi.

68. Ibragimov o'yinga faol qo'shildi va tezda fol ishlatib, raqibi hujumini to'xtatdi.

66. UXXXXX!! Diyor Xolmatov kutilmaganda jarimadan darvozaga zarba berdi. Bunu o'z o'rnida.

65. Diyor Xolmatov raqib jarima maydonchasi yaqinida yiqitildi. Jarima zarbasi.

65. "Al Hilol" to'rtinchi golga yaqin keldi. Salim al-Davsarining o'tkir burchakdan yo'llagan zarbasi anchagina noaniq ketdi.

62. "Al Hilol" hujumga o'tdi. Malkom hujumda Adhamzodaga qarshi fol ishlatdi va to'p mehmonlarga berildi.

60. Bashar Resanning jarimadan yo'llagan zarbasini Kulibali qaytarib yubordi.

59. Zo'r nuqtadan jarima zarbasi. Bittada gol urib yuborsa bo'ladi.

Menimcha, "Paxtakor" o'rtada "Mashal" bilan o'yinini o'tkazishi kerak edi. Rasmiy o'yin baribir futbolchiga tonus va o'yin amaliyoti beradi.

"Paxtakor"ning o'yini daqiqalar o'tib, nursizlanib ketayotgandek. Bahs oldidan ko'pchilik o'yinning shunday borishini kutgandir, lekin gollar ko'payib ketdi.

Sizda ikkitami? Bizda uchta...

51. GOL! Al-Davsarining o'zi penaltidan unumli foydalandi. Hammasi tugadi-yov...

49. PENALTI! Alijonov bu safar Salim al-Davsarini yiqitdi.

46. UXXXXXXXX!! "Paxtakor" gol urishi mumkin bo'lgandi. Markazdan yo'llangan zarbani Bunu oyog'i bilan qaytardi!

Ikkinchi bo'lim oldidan "Paxtakor"da o'zgarishlar: Riaskos o'rniga Sergeev, Lukka o'rniga Resan maydonga tushdi.

Birinchi bo'limga qo'shib berilgan 3 daqiqadan keyin yana 2 daqiqa yakunlandi. Tanaffus! Hozircha ishlar juda yomon.

45+5. Malkomning zarbasini Alijonov qaytardi, keyin esa Kanno tepgan to'pni Azmiddinov.

Qoyil, arabcha futbol birinchi bo'limning o'zidayoq boshlandi.

"Paxtakor" golga qadar uzoq vaqt davomida to'pni ushlab turdi va hujumga o'tdi. Alijonovning to'p yo'qotishidan keyin "Hilol" vaziyatdan tezkorlik bilan chiqib ketdi va Kannoning chiroyli pasidan keyin Malkom posbon bilan birga-bir holatga chiqib bordi. Keyin esa gol...

42. Gol! Malkom tezkor qarshi hujumdan keyin ikkinchi golni urib ketdi.

38. Alijonov hujumdagi Riaskos tomon chiroyli pas uzatdi. Brayanning to'piga Bunu peshvoz chiqib, to'pni tepib yubordi.

36. Dostonbek Hamdamov ogohlantirildi.

35. JONATAAAAANNNN!! Kanno boshi bilan zarba berganidan keyin hisob 2:0 ko'rinish olishi deyarli aniq edi. Jonatan "Paxtakor"ni ikkinchi goldan qutqardi, hozircha...

34. "Paxtakor" hujumga o'tdi. Dostonbek Hamdamovning qanotdan markazga, darvoza yoniga uzatgan to'pini Bunu ushlab oldi.

33. Goldan keyin "Paxtakor" hujumga o'tishga harakat qilmoqda.

31. Gol! Uchrashuvda hisob ochildi. Qanotdan uzatilgan to'pni Hamad al-Yami darvozaga kiritdi. Umumiy hisob 1:1.

29. Hozircha al-Davsari - Alijonov bahsida hisob 0:3. Alijonov shunchaki raqibiga imkon bermayapti.

28. ZARBAAAAAA!! Adashmasam, Leonardoning kuchli zarbasidan keyin Jonatan kuchli o'ng qo'li bilan to'pni qaytarib yubordi.

26. Umar Adhamzoda raqibini tepib yubordi. Atayin bo'lmaganini aynan unga ham tibbiy yordam ko'rsatilayotgani bilan izohlash mumkin.

O'yinni tomosha qilgani Eshli Koul ham stadionga boribdi. Qoyil...

24. Muhammad Kannodan navbatdagi noaniq zarba.

20. Azmiddinov o'z jarima maydonchasi ichida raqibiga elkasi bilan zarba berib yiqitdi. Bosh hakam buni tabiiy kurash deb baholadi.

18. "Al Hilol" mayda paslar orqali "Paxtakor" jarima maydonchasiga kirmoqchi edi. Abdullaev xavfni bartaraf qildi.

Birinchi bo'limning uchdan birinchi qismi dinamik o'tdi. Hamma faol holatda va bir-biridan past ketish bo'lmayapti ;)

15. UXXXXX!! Davsari hamda Alijonov poygasida biznikilarning "qo'li baland keldi". Haqiqatda, tezlikda Alijonov raqibidan ustun bo'ldi va to'pning maydonga chiqib ketishigacha nazorat qilib turdi.

14. "Paxtakor" hujumda ko'rinish berdi. Televizorda Bununi birinchi marta ko'rdik. Biroq Riaskos offsaydda qolib ketdi.

11. Abdullaev markazdan o'ngroqda fol ishlatdi. Bu orqali u keskin hujumning oldini oldi. T-tajriba)

10. "Paxtakor" o'yinni markazroqqa ko'chira oldi.

7. UXXXXX!! Malkomning zarbasi darvozaning yuqorisidan o'tib ketdi.

6. "Paxtakor" jarima maydonchasiga unchalik yaqin bo'lmagan nuqtadan jarima zarbasi. Bo'riev fol ishlatdi.

4. Kutilganidek, "Al Hilol" o'yinni hujumkorlik bilan boshladi. O'ng qanotdan uzatilgan to'pga "Al Hilol" futbolchisi to'pni erga sapchitib zarba yo'lladi. Jonatan uchun bunday zarbalar cho't emas) Zarba muallifi yana o'sha Muhammad Kanno.

2. UXXXXXX!! Abdullaev himoya markazida xatoga yo'l qo'ydi. Uning uzatmasi raqibi Kannoga tegib, balandga ko'tarilib ketdi. Yaxshiki, darvoza tomon ketmadi to'p.

1. UCHRASHUV BOSHLANDI! Olg'a "Paxtakor"!

- Uchrashuv startiga hamma narsa shay. Shunchaki 2 daqiqa o'tsa bo'lgani)

- Ular maydonda saf tortishdi: ko'k va sariq armiya! Perfomens uchun alohida respekt.

- Jamoalar maydonga chiqishga tayyor bo'lib turishibdi.

- Stadion muxlislar bilan to'lib toshgan. Umid qilamizki, saudiyaliklar bugun uylariga qaytganida toshoynalarni sindirishadi...

- Hurmatli futbol ishqibozlari! "Kingdom Arena"dagi bahs startiga oz vaqt qolmoqda. Biz esa muhim o'yinni saytimiz orqali matnli translyatsiya qilishda davom etamiz.

Elit OCHL. "Al Hilol" o'z maydonida "Paxtakor"ga to'rtta gol urdi