Dinamo: Navbatdagi raqib – Navbahor

Narzulla Saydullayev
25 fev 2014
Poytaxtdagi yig'inda nazorat o'yinlariga katta e'tibor qaratayotgan Dinamo jamoasi Toshkentdagi so'nggi o'yinini 27 fevral kuni o'tkazib, Samarqandga qaytadi.
Payshanba kungi uchrashuvda Ravshan Haydarov shogirdlari Namanganning Navbahor klubiga qarshi maydonga tushishadi. Ushbu bahsdan keyin jamoaga 2 mart kunigacha qisqa tatil beriladi.

Martning ikkinchi kunidan so'nggi tayyorgarliklarni Samarqanddagi qarorgohda boshlaydigan jamoamiz mashg'ulotlarga kirishadi. Aksariyat futbolchilar bilan shartnoma imzolanishi rejalashtirilgan.

Shuningdek, mart oyining dastlabki haftasida Navoiy shahrida Qizilqumga qarshi o'rtoqlik uchrashuvi o'tkazilinishi rejalashtirilgan.

Eslatib o'tamiz, jamoamiz Oliy liga 1-tur uchrashuvida Qarshida mahalliy Nasaf mehmoni bo'ladi. O'yin 15 mart shanba kuni o'tkaziladi.

Narzulla SaydullayevMuallif
Manba: fcdinamo.uz