Ma'lumotlarga ko'ra, ispaniyalik posbon klub bilan muzokara o'tkazishni istamayapti, chunki u jamoaning natijalaridan mamnun emas. Agar tomonlar kelisha olishmasa, de Xea 2020 yilning yozida MYUni erkin agent sifatida tark etishi mumkin. "Qizil iblislar" bu sanani kutmasdan, futbolchini katta pul evaziga sotib yuborishlari ham ehtimoldan holi emas.
De Xeaning mankunianlar bilan kelishuvi joriy mavsum oxirida yakuniga etadi, ammo unda kelishuvni bir yilga uzaytirish bandi mavjud. Oldinroq, darvozabon xizmatlariga PSJ va "Yuventus" qiziqish bildirayotgani e'lon qilingan edi.
