Биринчи давра баҳсларида жамоамиз шарафини ҳимоя қилган ўн нафар футболчи маълум сабабларга кўра “қалдирғочлар” лагерини тарк этишди. Ҳужумкор ярим ҳимоячи Сардор Рашидов Қатарнинг “Ал-Жаиш” клубига, ҳимоячи Артём Филипосян Самарқанднинг “Динамо” жамоаси трансфер қилинди. Ҳужумчи Анвар Бердиев, ярим ҳимоячи Мирзоҳид Ғофуров ва ҳимоячи Обид Жўраев билан тузилган шартномалар иккала томоннинг ўзаро келишувига кўра бекор қилинди ва футболчилар эркин агент мақоми остида бошқа жамоаларга ўтиб кетишди. Ярим ҳимоячи Отабек Шукуров ва ҳужумчи Темур Аюпов “Бухоро” жамоасига мавсум охирига қадар ижарага берилди. Шунингдек, ҳимоячилар Даврон Валижонов ва Азиз Мамазоитов, ҳужумчи Александр Хамходера “Бунёдкор” жамоасини тарк этишди.
Давралар оралиғида “Бунёдкор”дан кетганлар
№ | Исм-фамилияси | Туғилган санаси | Амплуаси | Кетган жамоаси |
| 1 | Анвар Бердиев | 11.05.1978 | Ҳужумчи | “Андижон” |
| 2 | Мирзоҳид Ғофуров | 22.09.1988 | Ярим ҳимоячи | “Машъал” |
| 3 | Обид Жўрабоев | 17.02.1986 | Ҳимоячи | “Олмалиқ” |
| 4 | Артём Филипосян | 06.01.1988 | Ҳимоячи | “Динамо” |
| 5 | Сардор Рашидов | 14.06.1991 | Ярим ҳимоячи | “Ал-Жаиш” (Қатар) |
| 6 | Отабек Шукуров | 22.06.1996 | Ярим ҳимоячи | “Бухоро” |
| 7 | Темур Аюпов | 28.03.1993 | Ҳужумчи | “Бухоро” |
| 8 | Даврон Валижонов | 27.01.1996 | Ҳимоячи | - |
| 9 | Азиз Мамазоитов | 28.11.1995 | Ҳимоячи | - |
| 10 | Александр Хамходера | 05.07.1996 | Ҳужумчи | - |
Иккинчи давра олдидан “Бунёдкор” саккиз нафар футболчини рўйхатдан ўтказди. Аслида “қалдирғочлар” сафига Анвар Ражабов “Сўғдиёна”дан ва Виктор Карпенко “Шўртан”дан келди. Қолган олти футболчи эса мавсумнинг биринчи қисмини биринчи лигада “Бунёдкор-2” таркибида ўтказишган эди.
Давралар оралиғида “Бунёдкор”га келганлар
№ | Исм-фамилияси | Туғилган санаси | Амплуаси | Келган жамоаси |
| 1 | Дилшод Жўраев | 21.04.1992 | Ярим ҳимоячи | “Бунёдкор-2” |
| 2 | Анвар Ражабов | 23.01.1988 | Ҳужумчи | “Сўғдиёна” |
| 3 | Виктор Карпенко | 07.09.1977 | Ярим ҳимоячи | “Шўртан” |
| 4 | Элёр Адҳамов | 02.06.1996 | Дарвозабон | “Бунёдкор-2” |
| 5 | Ислом Қобилов | 01.07.1997 | Ҳимоячи | “Бунёдкор-2” |
| 6 | Миржаҳон Мираҳматов | 15.07.1997 | Ҳужумчи | “Бунёдкор-2” |
| 7 | Жавоҳир Эсонқулов | 20.04.1997 | Ҳужумчи | “Бунёдкор-2” |
| 8 | Нурилло Тўхтасинов | 19.02.1997 | Ярим ҳимоячи | “Бунёдкор-2” |
