Даниил Абакшин: "Энг яхши тўпурар ва ассистентлар сафида бўлиш ёқимли"

"Бугунги ўзимиз хоҳлаган ўйинни намойиш этиб, ижобий натижага эришдик ва бронза медалларини қўлга киритдик. 

Албатта, энг яхши тўпурар ва ассистентлар сафида бўлиш ёқимли. Венесуэлага голлар урганимдан сўнг ўзимга бўлган ишонч янада ортди ва кўпроқ гол уришга интилдим. Тўпурар бўлмаган бўлсам-да, жамоамга фойдам текканидан хурсандман. 

Францияга урган голларимни мухлислар, оилам, хусусан, рафиқам ва ўғлимга бағишлайман. Умуман олганда, барча голимни барчага бағишлайман", деди Абакшин.

Эслатиб ўтамиз, Украина жаҳон чемпионатида бронза медалларини қўлга киритиб, ўз тарихидаги энг яхши натижасини қайд этди.

Даниил Абакшин 7 та гол билан мусобақанинг "Кумуш бутса"си соҳибига айланди. Шунингдек, у 6 та ассист билан энг яхшилар қаторида бўлди.

Оқил Абдубарноев суҳбатлашди.