Сен-Денидаги "Стад де Франс" ўйингоҳида кечаётган баҳснинг 41-дақиқасида Карим Бензема жароҳатланди ва ўйинни давом эттира олмади. Унинг ўрнига "Челси" форварди Оливье Жиру туширилди.
Алоҳида айтиш керакки, 6 йиллик танаффусдан кейин терма сафига қайтган Карим Бензема захира ўриндиғида кўзёшларини тийиб туролмади.
Эслатиб ўтамиз, 11 июнь куни Евро-2020 старт олади. 33 ёшли форвард унгача тиббий кўрикдан ўтади ва жароҳат қанчалик жиддий эканлиги аниқланади.
