"RMC Sport" хабарига кўра, "кўклар" раҳбарияти жамоани чуқур инқироздан олиб чиқишга қодир мутахассислар билан дастлабки музокараларни бошлади.
Андони Ираола "Челси" номзодлари рўйхатида етакчи ҳисобланади. Испаниялик мураббий мавсум охирида "Борнмут"дан кетишини расман эълон қилди ва манбалар Лондон клуби у билан аллақачон алоқа ўрнатганини хабар қилмоқда.
Бўш ўрин учун иккинчи даъвогар — Эдин Терзич. "Боруссия" Дортмунд собиқ мураббийи ҳозирда Европа мураббийлик бозорида энг талабгир эркин агентлардан бири.
Эслатиб ўтамиз, "Челси"ни мавсум охиригача Каллум Макфарлейн бошқариб туради.
