✅ "Buxoro" - "Neftchi"
"Neftchi" o'yinchisi oddiy sportga xos uslubda yakkakurashga kirishgan. "Buxoro" o'yinchisi raqib bilan to'qnashgani uchun emas, balki o'z ixtiyori bilan yiqilib, jarima ishlashga urinmoqda. Bizningcha, to'g'ri qaror – o'yinni davom ettirish. "Neftchi"ning goli to'g'ri ravishda inobatga olingan.
✅❌ "Buxoro" - "Neftchi"
Hakam voqeani to'g'ri baholab, "Neftchi"ning 5-raqamli o'yinchisiga qizil, "Buxoro"ning 93-raqamli va "Neftchi"ning 8-raqamli o'yinchilariga ikkita sariq kartochka ko'rsatdi. Biroq hakamlar "Buxoro"ning 10-raqamli o'yinchisiga ham sariq kartochka ko'rsatishlari lozim edi: u "Neftchi"ning 5-raqamli o'yinchisini itarib yubordi va shu tariqa bu to'qnashuvning kuchayishiga sabab bo'ldi. Uning bu harakatini "nosportcha xulq-atvor" deb baholash mumkin.
✅ "Qo'qon-1912" - "Paxtakor"
Mavjud takrorlarga asoslanib, hakamlar to'g'ri qaror qabul qilgani taxmin qilishimiz mumkin. To'p "Paxtakor" darvozasi chizig'idan to'liq o'tmagan, shu sababli gol hisoblanmagan.
✅ "Qo'qon-1912" - "Paxtakor"
Ikkala o'yinchi ham to'pga intildi, shundan so'ng arzimas to'qnashuv yuz berdi. Bu holat "Paxtakor" futbolchisining yiqilishiga sabab bo'lmagan. Hakamning o'yinni davom ettirish qarori to'g'ri, VARning ham aralashmagani o'rinli.
✅ "Qizilqum" - "Andijon"
Dastlab hakam maydon markazida "Qizilqum" futbolchisining qo'l bilan o'ynashini qayd etmay, xatoga yo'l qo'ydi. Shundan so'ng u penalti belgiladi, ammo VAR vaziyatga to'g'ri aralashib, bosh hakamni monitor oldiga taklif qildi. To'g'ri qaror – "Qizilqum" futbolchisi qo'l bilan o'ynagan joyda "Andijon" foydasiga jarima zarbasi belgilash.
✅ "Xorazm" - "So'g'diyona"
Hakam to'g'ri qaror qabul qilib, raqibni gol urish uchun yaqqol imkoniyatdan mahrum qilgani sababli "Xorazm" jamoasi o'yinchisini maydondan chetlatdi. "So'g'diyona" jamoasi o'yinchisi to'pni nazorat qilayotgan edi, "Xorazm" himoyachilaridan hech biri o'z vaqtida yordamga yetib kelolmadi.
✅ "Surxon" - "Sho'rtan"
Bizning fikrimizcha, hakam o'yinni to'g'ri davom ettirdi va "Surxon"ning golini haqli ravishda inobatga oldi. Qanotdagi yakkama-yakka kurash qoidabuzarlik hisoblanmaydi – elkama-elka kuch ishlatish, to'pdan raqibni “siqib chiqarish” unsuri bor edi.
Shu tariqa, Superliganing 28-tur o'yinlarida hakamlar faqat bitta xatoga yo'l qo'yishdi.
