UZ

Сўнгги янгиликлар

08:51"Футболни шунчалик яхши тушунсангиз нима учун бу ерда эмассиз?". Почеттино Мбаппе ҳақидаги саволга жавоб берди  1 08:32Германия. "Лейпциг" сафарда мағлуб бўлди  0 08:16Olamsport: NBAда рекорд, Конорнинг ҳозирги ҳолати ва бошқа хабарлар  0 07:55Португалия чемпионати. Марказий ўйинда "Спортинг" "Бенфика"ни мағлуб этди  0 07:31Бугун финал: Ўзбекистон кубоги ғолиби аниқланади  29 07:16Испания. "Гранада" "Алавес"ни мағлуб этди  0 02:57Йилнинг энг яхши ҳаками футболдан қандай кетган эди?  8 01:39800 лик довондан ошган Роналду  19 01:09Финал. "Динамо" тўладими?  14 00:56Анчелотти Мбаппенинг "Реал"га ўтиши ҳақида: "Болалар ўз орзуларига етишишлари керак"   5 00:32"Милан" асосий ҳимоячиларидан бири мавсум охирига қадар сафдан чиқди  5 00:08Хави: "Месси "Олтин тўп"га лойик эди. Бу футболдаги адолат"  27 23:48Лапорта: "Дембеле Мбаппедан кучлироқ"  21 23:28Машраб Адилов: "Доимо ўз олдимга юқори мақсадларни қўяман"  0 23:09Бу ажойиб! Ўзбекистон кубоги соврини Самарқанд бўйлаб "сайр" қилди   6

"Бунёдкор-W" омад эвазига ғалаба қозондими? Янгиликлар

"Бунёдкор-W" омад эвазига ғалаба қозондими?

Айни кунларда Иорданияда аёллар клублари ўртасида Осиё чемпионати бўлиб ўтмоқда.

Ушбу мусобақада "Бунёдкор-W" жамоаси юртимиз шарафини ҳимоя килаётганидан хабарингиз бор. Элмира Гулямова шогирдлари 2-тур доирасида мезбон "Амман СК" жамоаси устидан ғалаба қозонишди. Учрашув тақдирини "Қалдирғочлар" ярим ҳимоячиси Дилдора Нозимованинг 90+1 дақиқасида пенальтидан урган голи ҳал қилди.  

Шундан кейин ўзбек клубларининг мусобақадаги тарихий ғалабасига айланган учрашув қаҳрамони билан суҳбат ташкил қилдик.

- Дилдорахон, дастлаб, "Амман"га қарши ўйин ҳақидаги фикрларингиз билан ўртоқлашсангиз.

- Бутун ўйин давомида бир жамоа бўлиб ўйнадик. "Амман СК" кучли эди. Уларни ютиш осон кечмади. Биз олдинги ўйиндаги хатоларимиз устида ишладик ва натижасини олдик деб ўйлайман.  

- Нега 1-таймда жамоанинг ўйини ўхшамади. Бу нима билан боғлиқ?

- Биринчи таймни рақибни ўрганиш учун сарфладик. Иккинчи бўлимда эса мураббийимиз кўрсатмаси билан майдонда бор кучимизни ишга солиб ҳаракат қилдик ва ютдик. "Бунёдкор"даги барча қизларга яхши ўйин кўрсатгани учун раҳмат. 

- Баъзилар "Бунёдкор" омад эвазига ғалаба қозонди, деяпти. Бунга муносабатингиз қандай?

- Ҳамманинг ўз қараши бор. Майдонда қандай муҳит бўлганини эса фақат ўйинчилар билишади. Биз бир жамоа бўлиб ўйнадик ва ўз меҳнатимиз эвазга ғалаба қозондик. Мухлислар учун кейинги ўйинларда буни исботлашга ҳаракат қиламиз.

- Кечаги ўйин ўзбек клубларининг халқаро майдондаги 1-ғалабасига айланди. Ва бу ғалаба сизнинг голингиз эвазига қўлга киритилгани ёқимлими?

- Албатта, ёқимли. Мен жамоамиз ишончини оқлаганимдан жуда хурсандман.

- Жамоа тўпурари Людмила Карачикнинг майдонда йўқлиги ҳужум чизиғининг ишларини оғирлаштирдими?

-  Ўйин олдингиларига қараганда қийин кечди. Ҳужум чизиғимизда у бўлганда бундан ҳам чиройли ўйин кўрсатиб, кўпроқ гол ҳам урган бўлардик. Карачикнинг ўрни билинди.

- Карачик майдонда бўлса ҳам, пенальтини сиз тепармидингиз?

- Мураббийимиз ҳар доим таъкидлайдилар, кимнинг ўзига ишончи юқорироқ бўлса, шу тепсин деб. Людмила бўлганида, балки, у тепган бўларди. 

- Иордания сизга ёқдими?

- Бу ер Ўзбекистонга қараганда иссиқроқ ўлка экан. Ҳозир шамол бўляпти. Умуман олганда, Ақаба шаҳри менга жуда ёқди.

Маълумот учун, "Қалдирғочлар"нинг 3-тур учрашуви эртага Тошкент вақти билан 19:00 да старт олади. Рақиб — “Сри Гокулам Керала” (Ҳиндистон).

Малика Кушбакова суҳбатлашди

Рейтинг: +1   

Фикрлар

+1   
12 ноя 17:17:43
Ro'yobbek_Lokomotiv
Omad qizlar muximi ishtirok xar kim xam bunaqa turnirlarda qatnasha olmaydi olg' faqat oldinga g'alabalar davomiy bo'sin
   
12 ноя 14:13:34
Тор
Бунедкор W нинг 2 та уйинини хам youtube дан тулик курдим. Эрон клуби билан уйини ноль. Факат уша уйинда хам пеналтидан гол уришди. 2-уйинда хам пеналти булмаганида галаба йук эди. Клублар уртасидаги чемпионатла Шаркий Осие клублари хам уйнаса, командамиз йуколиб колар экан.
championat.asia
< сўнгги янгиликларни кўриш
Яндекс.Метрика