Эшитдик-да! "Бунёдкор" қизларига ваъда қилинган пуллар берилмаяпти

Маълум бўлишича, 2020 йилги мавсум учун футболчилар билан тузилган шартномаларга шундай банд киритилган: йил якунида мамлакат чемпионлигига эришилиб, 2021 йилда Осиё футбол конфедерацияси томонидан аёллар жамоалари ўртасида ўтказиладиган чемпионлар лигасига йўлланма қўлга киритилса, раҳбарият жамоа бош мураббийининг билдиргиси асосида ўйинчиларни мукофот пули билан рағбатлантириши керак.

Элмира Ғуломова бошчилигидаги "қалдирғочлар" якунда "Олтин дубль" қайд этиб, халқаро турнир йўлланмасига эга чиқишди. Бироқ, қизларга ваъда қилинган мукофот тўлаб берилмаган. Айтишларича, "Бунёдкор-W" аъзоларининг жамоа раҳбариятига бу борада қилаётган мурожаатлари самара бермаяпти.