UZ

Сўнгги янгиликлар

19:47"Реал" япониялик футболчисини ижарага бериб юборди  0 19:33Роналду: "Мен ўз ишимдаги энг яхшиларидан бириман ва тарихга кириб бўлдим"  5 19:2343 ёшигача тўп тепган, Ўзбекистоннинг икки карра энг яхши футболчиси Павел Бугало 45 ёшда!  3 19:20"Реал" Эриксен учун қанча пулдан воз кечишга тайёрлиги маълум бўлди  1 19:15Coca-Cola Ўзбекистон кубоги. "Сўғдиёна" - "Бунёдкор" 1:0  25 18:50"Star Way". Ўзбекистон мусобақани мағлубият билан бошлади  23 18:48Испания клуби ҳамкорлик битими доирасида хитойлик 39 ёшли ўйинчи билан шартнома имзолади  0 18:20Санчонинг "Боруссия"даги маоши қанчага ошгани маълум бўлди  2 17:48ПСЖ форварди "Лечче"га ўтишга яқин  2 17:17Азар "Реал"нинг яқинлашиб келаётган икки ўйинини ўтказиб юборади  4 16:47Ана холос. "Ювентус" мавсумнинг илк ўйинларини бошқа мураббий қўл остида бошлайди  10 16:46Футзал. "Локомотив"дан кетма-кет иккита ғалаба  0 16:17Муборак Буссуфа Қатар клубига ўтди  0 16:12ФИФА симуляция қилган футболчини жаримага тортади. Ўзбекистонга ҳам бу керакми?  27 16:00Хайр, кичик сеҳргар. Нега биз Уэсли Снейдерни унутмаймиз?  14

«Бунёдкор» футболчилари клуб президенти билан учрашди Янгиликлар

«Бунёдкор» футболчилари клуб президенти билан учрашди

Кеча «Бунёдкор» академияси мажлислар залида клуб президенти Ашуров Улуғбек Муродиллоевич футболчилар ва мураббийлар билан учрашди.

Учрашувда «Бунёдкор»нинг янги мавсумга тайёргарлик доирасида ўтказилган йиғинлар, мавсум олдида клуб олдга қўйилаётган вазифалар, режалар ҳақида сўз юритилди.



-Ўтган мавсумда «Бунёдкор» клуб жиддий синовларни бошидан ўтказди. Жорий таркибни молиявий таъминлаш билан бирга эски йиллардан ёпилмай қолиб кетган қарздорликлар масаласини ҳам ҳал қилишимизга тўғри келди. Умид қиламанки, барча қийинчиликлар ортда қолди ҳамда энди «Бунёдкор»да бу масалада муаммолар бўлмайди. Биз имконият даражасида клубдан ўз ёрдамимизни аяймаймиз. Сизнинг вазифангиз – футбол ўйнаш. Сиз чиройли футбол ўйнаб юқори марраларни забт этинг, молиявий масалаларни биз ҳал қиламиз. Имкон бўлса «Ўзбекнефтгаз»дан ташқари ҳам ҳомийлар жалб қиламиз. Клуб сиёсати ўзгармайди: ёшларни тарбиялаш, турли ёшдаги терма жамоаларга футболчи етказиб бериш, ёш футболчиларга имконият беришда давом этамиз. «Бунёдкор» асосий жамоаси, У-18, У-21, аёллар футзал жамоаси, клуб академияси эътиборимиз марказида бўлади. Сизларнинг роҳатланиб футбол ўйнашингиз учун барча шароитлар аратиб берилади. Агар таклифлар, сизларни қийнаётган муаммо ёки саволлар бўлса марҳамат билдиришингиз мумкин.



Клуб президентининг ушбу фикрларидан сўнг жамоа сардори Мурод Зуҳуров сўз олиб, ўз фикрларини билдириб ўтди.

-Юқорида айтилганидек, ўтган мавсумда клуб атрофида турли гап-сўзлар бўлгач, биз ҳам хавотирда эдик. Шукрки барча масалалар ҳал этилди ва биз янги мавсумда Суперлигада иштирок этишимиз аниқ бўлди. Клуб директори билан учрашганимизда ҳам бу мавсумда молиявий муаммолар бўлмаслиги ҳақида алоҳида айтиб ўтилди. Биз футболчиларга шундай шароит яратиб берилаётгани, бизни қўллаб-қувватлаётгани учун клуб ҳомийларига, клуб раҳбариятига жамоа аъзолари номидан ўз миннатдорчилигимни билдираман. Насиб этса янги мавсумда юқори ўринларни қўлга киритиб, ишончни оқлаймиз.



Шунингдек, клуб бош мураббийи Вадим Абрамов ҳам ўз фикрларини айтиб ўтди.

-Жамоага янги танланганимда клубнинг мақсади ёш футболчиларга эътибор қаратиш ва уларга кўпроқ имконият яратиб бериш лозимлиги айтилган эди. Ўтган давр мобайнида бир қатор ўртоқлик ўйинлари ўтказдик ҳамда эътиборимизни клуб тарбияланувчиларига қаратдик. Бугунги таркибга эътибор берсангиз, кўпчилиги «Бунёдкор» академияси тарбияланувчилари, айримлари ўтган мавсумда ўринбосарлар таркибида ўйнаган ва ҳали катта футболдан нафас олмаган футболчилар ҳисобланади. Мураббийлар штаби янги мавсумда ушбу футболчилар билан чиройли ўйин кўрсатиб, мухлисларни хурсанд қилишга, раҳбарият ҳамда ҳомийлар ишончини оқлашга ҳаракат қиламиз.



Шундан сўнг клуб директори Улуғбек Мирзаев янги мавсумда футболчилар Nike спорт формаларидан фойдаланишини айтиб ўтди ҳамда клуб президентига ушбу спорт формаларидан намуналар кўрсатилди.



Мулоқот якунида Улуғбек Муродиллоевич сўз олиб, қуйидагиларни таъкидлаб ўтди:

-Кўриниб турибди, кўпчилигингиз ёшсиз. Мураббий таъкидлаганидек айримларингиз энди ката футболга кириб келяпсиз. Биз сизга ўзингизни кўрсатишингиз, ўз иқтидорингизни намойиш этишингиз учун қўлимиздан келган барча шароитларни яратиб берамиз. Бу мавсумда молиявий муаммолар бўлмайди. Сиз майдонга чиқинг ва роҳатланиб футбол ўйнанг! «Бунёдкор» ҳар доим ўз олдига юқори мақсадларни қўйган жамоа. Янги мавсумда ҳам шундай бўлсин: чемпион бўлолмасангиз ҳам чемпионлик учун ҳаракат қилинг, юқори ўринларни эгалланг. Бу борада сизларга қандай ёрдам керак бўлса, биз тайёрмиз!

Учрашув сўнггида клуб бош директори Улуғбек Мирзаев ҳам сўз олиб, футболни ривожлантириш борасида амалга оширилаётган ишлар, яратиб берилаётган шарт-шароитлар учун клуб ҳомийларига алоҳида ташаккур изҳор қилди. Ўз навбатида футболчиларга билдирилган ишончни тўлақонли оқлаш учун ўз устиларида тинмай ишлашлари лозимлигини уқтирди. Шунингдек, футболчилардан Ислом Қобилов, Анвар Ғофуров ҳам сўз олиб, яратиб берилаётган шарт-шароитлар учун миннатдорчилик билдиришди. Келгусида клуб равнақи учун бор маҳоратини сарфлаб, ишончли ғалабалар билан мухлисларни хурсанд қилишга ваъда беришди.


Рейтинг: +27   

Фикрлар

championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг