Bundesliga 2'ning 2-pog'onada borayotgan "Gamburg" bugun musobaqaning 32-turida "Osnabryuk" (1:1) jamoasi bilan durang o'ynadi. Gamburgliklarning ochko yo'qotishi peshqadam "Arminiya" klubi uchun ayni muddao bo'ldi. Chunki hisobida 61 ochkosi bor mazkur klub va "Gamburg" orasidagi tafovvut 7 ochkoga etdi. Shu tariqa "Arminiya" 2008-09 yilgi mavsumdan buyon ilk marta Germaniya Bundesligasining yuqori divizionida ishtirok etish huquqini qo'lga kiritdi.
Ma'lumot uchun, "Gamburg", "Shtutgart" va "Xaydenxaym" klublarida ham 2 va 3-o'rinlar orqali yuqori divizionga chiqish imkoniyati saqlanib turibdi.
