Bugun Noyerni ranjitgan yarim himoyachi Bundesliga tarixida gol urgan eng yosh futbolchiga aylandi

Eldor Akmurzayev

6 iyun 2020, 21:30

Germaniya chempionati 30-turidan o'rin olgan “Bayer” – “Bavariya” bahsining 2-bo'limi boshida mezbonlar yarim himoyachisi Florian Virc zaxiradan o'yinga qo'shildi.

Virc 89-daqiqada Manuel Noyer darvozasini ajoyib tarzda ishg'ol etishga muvaffaq bo'ldi. Bu uning professional faoliyatidagi ilk goli sifatida yozildi. Shuningdek, Florian musobaqa tarixida to'p kiritgan eng yosh futbolchiga ham aylandi. U bunga 17 yosh, 1 oy va 3 kunligida erishdi.