Xabaringiz bor, 2026 yilda Shimoliy Amerikada o'tkazilishi rejalashtirilgan futbol bo'yicha Jahon chempionati uchun Osiyo qitasi saralash uchrashuvlari o'tgan yilning oktabr oyida boshlangan va saralashning dastlabki bosqichida hakamlarimiz 3 ta uchrashuvni boshqargan edi.
Saralashning ikkinchi bosqichidan o'rin olgan Xitoy – Tailand uchrashuvini Ilgiz Tantashev boshchiligidagi hakamlar jamoasi boshqarib boradi. Qanotlarda unga Andrey Sapenko hamda Timur Gaynullin yordam bersa, yana bir hamyurtimiz Asker Najafaliev zaxira hakami vazifasini bajarishi ko'zda tutilgan. Bundan tashqari, ushbu bosqich doirasidagi Qirg'iz Respublikasi – Malayziya bahsiga yana bir vakilimiz – Vladislav Seytlin hakamlar nazoratchisi sifatida tayinlov olgan.
Quyida ular boshqaradigan uchrashuv ma'lumotlari bilan tanishing:
JCH-2026 saralashi, 2-bosqich | Osiyo mintaqasi, "C" guruhi
Xitoy – Tailand
6.06.2024 | 20:00
Hakamlar:
Ilgiz Tantashev
Andrey Sapenko
Timur Gaynullin
Asker Najafaliev
Osiyo mintaqasi, "D" guruhi
Qirg'iz Respublikasi – Malayziya
6.06.2024 | 21:00
Nazoratchi: Vladislav Seytlin
