Бразилия терма жамоаси собиқ футболчиси футболчилик фаолиятини якунлади
08 окт 2019 15:10
Янгиликлар

Бразилия терма жамоаси собиқ футболчиси футболчилик фаолиятини якунлади

Теглар : Бразилия терма жамоаси Мишел Бастос

Бразилия терма жамоаси собиқ хавбеки Мишел Бастос фаолиятини якунлаганини эълон қилди.

Бастос шу йилнинг сенябрь ойидан буён жамоасиз юрган эди.

"Кейинги йил? Мен ўғлим, қизим ва хотиним билан ўйнайман. Мен фаолиятимни якунлашга қарор қилдим. Худо менга кўп нарса берди. Мен 7 ёшимдан буён футболчи бўлдим ва 20 йил профессионал даражада ўйнадим. Энди эса оиламга кўпроқ вақт ажратмоқчиман", - дейди Мишел.

"Бу қийин дамлар, аммо бунинг вақти келди ва айтишим мумкинки, ёшлигимдаги деярли барча орзуларим рўйобга чиқди".

Бастос футболчилик фаолияти давомида "Фейеноорд", "Эксельсиор", "Атлетико Паранаэнсе", "Гремио", "Фигейренсе", "Лилль", "Лион", "Шальке 04", "Ал Айн", "Рома", "Сан-Паулу", "Палмейрас" ва "Спорт Ресифе" клублари шарафини ҳимоя қилган.

Мишел Бразилия терма жамоаси сафида 12та ўйинда майдонга тушиб, 2та гол уришга эришган.

Ҳавола :

Манба : Fox Sports

Янгиликларни Телеграмда ўқинг!

Рейтинг: +4