Бобир Абдихолиқов “Рух” таркибига ўтганидан кейин нималар деди?
20 фев 15:08
Янгиликлар
Бобир Абдихолиқов “Рух” таркибига ўтганидан кейин нималар деди?
23 ёшли футболчи янги жамоасининг матбуот хизматига интервью берди:
“Рух” таркибига қўшилганимдан жуда ҳам хурсандман. Жамоага кўпроқ голлар уриш ва сифатли ўйин қуриш борасида ёрдамлашиш учун қўлимдан келганини қиламан. Биринчи машғулотни сабрсизлик билан кутяпман. Ҳозир ажойиб ҳис-туйғуларни бошдан кечиряпман. Менда бошқа клублардан ҳам қулайроқ шартлар асосидаги таклифлар бор эди, аммо маблағ мен учун асосий мақсад эмас. Мен футболчи сифатида ўсишни ва Европанинг яхши чемпионатларидан бирида ўйнашни истайман. “Рух” мен учун трамплин вазифасини ўтайди. УПЛда “Шахтёр” ва “Динамо” сингари клубларнинг ўйнаши чемпионатнинг юқори савиясидан далолат беради.
Аввалроқ “16” рақами остида Максим Шацких тўп тепган. Шу туфайли мазкур рақамни танладим. Максим – ўзбек ва украин футболининг афсонаси. Унинг ўйинлари мени ҳар доим қойил қолдирган. Биламан, у “Рух” таркибида ҳам фаолият олиб борган эди.
Дастлаб, мослашиш жараёнидан ўтишим керак. Кейинги қадам эса кўпроқ гол уриб, жамоанинг муваффақиятларига ҳисса қўшиш бўлади. Мен “Шахтёр”га қарши ўйнашни истайман, улар кучли жамоа. Дебютимни интиқиб кутяпман. Бош мураббий аввало жисмоний тайёргарлигимни текшириб, кейин ўйинга чиқиш-чиқмаслигим ҳақида якуний қарорини айтар экан”.
Ўхшаш янгиликлар
championat.asia
А Серия. "Интер" "Женоа"ни йирик ҳисобда таслим этди, Шомуродов захирадан майдонга тушди
АПЛ. "Манчестер Юнайтед" "Стэмфорд Бриж"да бир очко олди
ЛаЛига. "Барселона" "Севилья"ни мағлуб этди ва жадвалда "Реал"дан ўзиб кетди
"Бунёдкор" стадиони Жаҳонгир Ортиқхўжаев томонидан молиялаштирилади
Фикрлар
20 февраль, 2021, 15:39
Бобир "Насаф" билан хайрлашди.
Аввалроқ, Украинанинг "Рух" жамоаси ҳужумчи Бобир Абдихолиқов трансферини эълон қилгани ҳақида ёзгандик. Ҳужумчи "Инстаграм" саҳифаси орқали "Насаф"га миннатдорчилик билдирди ва қайғули тарзда мухлислар билан хайрлашди.
"Қадрли "Насаф" клуби мухлислари!
Дастлаб Сизларга катта раҳмат айтмоқчиман! "Насаф"да бахтли эдим, ғалабада ҳам, мағлубиятда ҳам бирга бўлдингиз. Ҳар дақиқа Сизларнинг қўллаб-қувватлашларингизни ҳис этиб турдим. Жамоани шундай тарзда қўллашда давом этишингизни сўраб қолардим. Зеро "Насаф" Сизлар учун ўйнайди!
Фурсатдан фойдаланиб "Насаф"даги барчага, раҳбариятдан тортиб қоровулгача, клубдаги барча ходимларга, мухлисларга катта раҳмат айтаман! Ўз навбатида Рўзиқул Саъдуллаевич Бердиевга алоҳида миннатдорчилигимни билдирмоқчиман. Ҳар бир ўйинда бош мураббийнинг ишончини оқлаш учун майдонга тушдим ва клуб учун боримни бердим. Ўз голларим билан жамоа ғалабаларига оз бўлса ҳам ҳисса қўшганимдан фахрланаман. "Насаф"даги фаолиятим якунланди, сабаби профессионал фаолиятимда олдинга интилиш вақти етиб келди. Барча футболчилар сингари мен ҳам ўзимни легионер сифатида синаб кўришни хоҳладим.
Фаолиятимни Украинанинг "Рух" клубида давом эттиришга қарор қилдим. Тўғри олдимда Осиёнинг бир қатор клубларидан таклифлар бор эди. Аммо профессионал футболчи сифатида янада ўсиш учун Европа футболида ўйнашни тўғри деб билдим. Бундан ташқари Лвов шаҳри шарафини ҳимоя қилувчи "Рух" клуби фалсафаси бўйича "Насаф"га ўхшаш экан. Яъни ўсиб келаётган ёш футболчиларга эътибор катта экан. Украина чемпионатида ўйнаган ўзбекистонлик футболчиларнинг давомчиси сифатида юртимиз шарафини муносиб ҳимоя қилишга, майдонда охирги кучим қолгунча ўйнашга ваъда бераман.
Шуни унутмангки, мен доим "Насаф" мухлиси бўлиб қоламан", - дея ёзиб қолдирди.
Бобир ука Кашкадарё. Узбекистон сен билан