Биз «Насаф»дан кутмаган эдик

Булар, Мурод Зуҳуров, Владимир Шишелов, Фозил Мусаев, Иван Бошкович, Андрей Переплёткин, Боян Малишич, Александр Петрович, Носир Отақўзиев, Шухрат Мирхолдиршоев ва Шавкат Раимқуловлардир. Бир аҳамият беринг, таркибдан бундай етакчи ўйинчиларнинг жамоани тарк этгандан сўнг «Насаф» мухлисларининг кўнглидан бирдек, энди жамоамиз 5-6 ўринларга тушиб кетади деган ўй-хаёллар ўтган бўлса, неажаб. Бунақа катта йўқотишлардан сўнг ҳақиқитни тан олиб айтаманки, бундай кетма-кет ғалабали юришларни биз «Насаф»дан кутмаган эдик.

Буни қаранки, жамони ўтган мавсумнинг охирларида мураббийлик лавозимини «Насаф» жамоамизнинг собиқ жонкуяр ўйинчиси ҳамда собиқ мураббийи лавозимларида фаолият олиб борган Рўзиқул Бердиевга ишониб топширилди. Рўзиқул Бердиевнинг улкан меҳнати, тажрибаси ва ёшларга берган ишончини бемалол ўзини оқлади дейиш мумкин.

Рўзиқул Бердиев «Насаф» жамоаси таркибида энг кўп, яъни 314 марта майдонга тушган ўйинчи сифатида ҳам жамоа тарихида ўз исмини муҳрлаб қўйган. 2013 йил мавсум ўрталарида мураббийлар таркибига келиб қўшилган «Насаф»нинг собиқ тўпурур хужумчи Зафар Холмуродовнинг ташрифи биз мухлисларга қувонч бағишлади. Зафар Холмуродов ҳам «Насаф» жамоаи тарихида 181 ажойиб голи билан у ҳам ўз исмини қолдирган. Биз, «Насаф» мухлислари, Рўзиқул Бердиев ва Зафар Холмуродовнинг тажрибаларига ишонамиз.

2013 йилнинг май ва июнь ойлари лауреатлари деб Артур Геворкян ва Рўзиқул Бердиевнинг топилиши биз мухлисларга олам-олам қувонч бағишлади. Ҳақиқатдан ҳам, «Насаф» жамоасидаги катта меҳнатлар ўз самарасини бермоқда.

«Насаф»нинг мухлислари севимли жамоаларини доимо яқиндан қўллаб келишади. Стадионда мухлисларнинг ташрифи ҳам шиддатли ўсмоқда. Севимли жамоамиздан биз мухлислар Ўзбекистон кубоги ва чемпионатимизнинг энг юқори ўринларни эгаллашини, кейинги йилда ОЧЛ ўйинларида қатнашишини тилаб қоламиз.


«Насаф» мухлислари номидан
Шуҳрат Қурбонов