Eslatib o'tamiz, Jezus 2020 yilning yozida "Benfika" boshqaruviga kelgandi. Murabbiy ishdan bo'shatilgan paytda "Benfika" 15 ta o'yinda 37 ochko jamg'arib, Portugaliya chempionati 2021/22 yilgi mavsumida uchinchi o'rinni egallab turgandi. Musobaqa peshqadami 15 ta uchrashuvda 41 ochko yig'ishga musharraf bo'lgan "Portu" edi.
Shartnoma tomonlarning o'zaro kelishuvi bilan bekor qilindi.
Jezusning murabbiylik faoliyati 1989 yilda boshlangan. Portugaliyalik mutaxassis murabbiylik faoliyati davomida "Braga", "Benfika", "Sporting", Braziliyaning "Flamengo" klubi, Saudiyaning Arabistonining "Al Hilol"i va boshqa jamoalarda ishlagan. Jezus "Benfika"ni Portugaliya chempionatida uch marta chempionlik sari etaklagan.
