UZ

Сўнгги янгиликлар

01:50ЕЧЛ. ПСЖ, “Манчестер Сити”, “Тоттенхэм”да йирик ғалаба, “Бавария” эса сафарда “Олимпиакос”ни енгди  9 01:50ЕЧЛ. “Реал” ниҳоят зафар қучди, “Ювентус” эса Дибаланинг дубли эвазига уч очкони қўлга киритди   37 01:15Левандовски Нистелройдан ўзиб кетди  2 01:05Спортчилар ижтимоий тармоқларда  0 00:50XXI асрнинг энг яхши футболчилари рейтинги тузиб чиқилди  18 00:25Серхио Рамос ЕЧЛ рекордини ўрнатди  8 23:45ЕЧЛ. Моратанинг голи “Атлетико”га ғалабага келтирди, параллель ўйинда эса жанговар дуранг қайд этилди  3 23:10ОЧЛ. 1/2 финал. Хави шогирдлари жавоб ўйинида ғалаба қозонди, лекин финалга чиқа олмади  19 23:05ЕЧЛ. “Галатасарой” – “Реал”, “Ювентус” – “Локомотив” ва бошқа учрашувларнинг асосий таркиблари маълум  25 22:35Баҳодир Аҳмедов: "Мақсадимиз – Осиё чемпионати финал босқичига йўлланмани қўлга киритиш"  5 22:30Бироз кечиккан табрик! Бугун воҳалик Маэстро 48 ёшга тўлди!  19 22:25Футзал. Ўзбекистон – Афғонистон термалари эртага қайси рангли либосларда ўйнаши маълум бўлди  0 21:45Серхио Рамос: "Бошимизда фақат ғалаба қозониш фикри мавжуд"  8 21:20Зидан "Галатасарой"га қарши ўйиндан олдин қандай фикрда?  19 20:55ЕЧЛ. "Атлетико" — "Байер" ва "Шахтёр" — "Динамо З" учрашувларининг асосий таркиблари маълум  1

Байрамингиз муборак бўлсин, азиз устозлар! Янгиликлар

Байрамингиз муборак бўлсин, азиз устозлар!

Бугун 1 октябрь - Ўқитувчи ва мураббийлар куни!

Шу куни бизга сабоқ берган, ҳаёт сўқмоқларидан одимлаб боришимизда устозлик қилган ва бу вазифани айни пайтда ҳам шараф билан бажариб келаётган инсонларни касб байрамлари билан табриклашга ошиқамиз.  Албатта, ҳар биримиз исталган соҳада меҳнат қилмайлик, устоз ва мураббийларга эҳтиёж сезамиз. Аввалига мактабгача таълим муассасаси, кейин мактаб, навбати билан олий ўқув юртида устозлардан сабоқ оламиз. Ота-оналаримиз эса бу борада бизнинг бир умрлик йўлдошимиз. Уларнинг ўгитлари эса алоҳида мавзу. Фарзандлар таълим-тарбияси, ёш авлодни баркамол инсонлар этиб камолга етказишга алоҳида эътибор қаратиш халқимизга хос эзгу фазилатлардан. Халқимизнинг устоз отангдек улуғ, деган пурҳикмат нақлида ҳам ўқитувчи ва мураббийларга бўлган самимий эҳтиром намоён. Бу байрам, аввало, ўзининг билим ва тажрибаси, истеъдод ва маҳорати, инсоний фазилатларини, кўз нури ва қалб қўри, бутун борлиғини аямасдан, маърифат йўлида беминнат хизмат қиладиган устоз ва мураббийларимизга нисбатан халқимизнинг азалий ҳурмат-эҳтиромининг яққол намунасидир.

Бир неча йилдирки, юртимизда 1 октябрь - Ўқитувчилар ва мураббийлар куни умумхалқ байрами сифатида кенг нишонлаб келинмоқда. Минг-минглаб мурғак қалбларга эзгулик ёғдусини сочадиган, ўз ўқувчиларига ҳаёт мактабини берадиган мўтабар зот - ўқитувчи ва мураббийларимизга бугунги касб байрамингиз муборак бўлсин, деймиз!

Ҳақиқатан ҳам, кўз нури ва қалб қўрини, бутун онгли ҳаётини ёш авлодга билим ва тарбия беришга, уларни миллий ва умуминсоний қадриятлар руҳида камол топтиришга бағишлаган, бир сўз билан айтганда, Ватанимизнинг эртанги кунининг пойдеворини яратаётган бу инсонларнинг олижаноб меҳнатига ҳар қанча таҳсин айтсак оз.

Устоз деганда, ҳар қайси инсон кўнглида чуқур ҳурмат - эҳтиром ва чексиз миннатдорлик туйғулари, шу билан бирга, ҳеч қандай бойлик билан ўлчаб ва адо қилиб бўлмайдиган қарздорлик хисси пайдо бўлади. Устозларимиз ўгити, кексаларимиз панд-насиҳатларига амал қилиб борсак, асло кам бўлмаймиз. Бу билан устоз ва мураббийларимиз олдидаги илк бурчимизни адо этган бўламиз. Инсон, аввало, унга билим ва маърифат дунёси сари йўл очиб берган, унинг қалбига юксак инсоний фазилатлар ҳиссини сингдириш йўлида заҳмат чеккан устоз ва мураббийларига нисбатан кўнглида ҳамиша миннатдорлик туйғуси билан яшайди. Халқимиз устозларни эъзозлаб:

“Устознинг умри - мангу, чунки шогирдлар умри унга уланади”, - дейди. Ҳа, жуда ҳам тўғри фикр. Муаллим - устоз шундай мўътабар зотки, унинг номи ҳам, умри ҳам ҳамиша боқийдир. Устоз ва мураббий! Биз барчамиз ёшимиз, касбу коримиздан қатъий назар, бу сўзларни эшитганимизда кўнглимиздан фақат илиқ фикрлару ёрқин хотиралар ўтади. Шу тобда кўз ўнгимизда қўлимизга қалам тутқазиб, эндигина илм оламига етаклаган биринчи устоз-муаллим, қийналиб турганимизда масаланинг тугунини ечишга ёрдам қилган, биргина шу амали билан умр бўйи ёдимизда қолган киши гавдаланади. Қалбимизда унутилмас из қолдирган қадрдон мактабимиз ва унинг бағрида кечган беғубор йилларимизни, бизга билим берган, инсонийлик фазилатларини ўргатган меҳрибон ўқитувчи ва мураббийларимизни катта ҳурмат ва эҳтиром билан эслаймиз.


Сизнинг таълимингиз олмаган ким бор,

Сиз-ку юракларда илк зиё ёққан.

Олимми, шоирми ва ё санъаткор,

Илк бор сизга томон устоз деб боққан.

Битта ҳарф дардида риёзат чекиб,

Оқибат кўкка ҳам чиқолган инсон.

Не ажаб сизларни бахтиёр этиб,

Ўрнидан даст туриб, бош эгса шу он.

Буюк Алишербек лутф этган мисол,

Савод ўргатдингиз қанча ранж билан.

Қоплаб бўлармикан бу қарзни алҳол,

Ўзиб бўлармикан юзта ганж билан.


Барча устоз ва мураббийларимизни championat.asia ва olamsport.com сайтлари ижодий гуруҳи номидан 1 октябрь - Ўқитувчи ва мураббийлар куни билан чин қалбимиздан муборакбод этамиз. Ёш авлодга зиё нурини таратишдан асло чарчаманг, деймиз.


Камолиддин АЛИМОВ

Рейтинг: +3   

Фикрлар

+2   
01 окт 08:58:54
Аьзамжон Тухтабаев
Эътибор учун катта раҳма ! Байрам муборак.
+2   
01 окт 08:58:54
Аьзамжон Тухтабаев
Эътибор учун катта раҳма ! Байрам муборак.
+2   
01 окт 08:57:50
Аьзамжон Тухтабаев
Эътибор учун катта раҳмат! Байрам муборак.
+2   
01 окт 08:39:10
UzBekistanTEAMFCc
Барча Устоз ва Мураббийиларни касбий байрамилар билан табриклайман.
+2   
01 окт 07:36:50
Mansur
Рахмат. Каттакон.
   
01 окт 09:31:23
Лочин
Устозлар куни муносабати билан барча укитувчи ва мураббийларни муборакбод этаман. Шогирдлар учун билим булогини очишда хамда илм уммонидан зиё нурларини таркатишда давом этинг. Сиз азизларга бу залворли ва машаккатли касбингизда куч-кувват тилайман. Байрамингиз муборак азиз устозлар
championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг