UZ

Сўнгги янгиликлар

13:40Гризманн қайтди  0 13:21Дилмурод Назаров хотирасига бағишишланган "Наврўз Кубоги-2024" мусобақаси қандай ўтди?  0 13:09"Бавария" "Штутгарт" вингерига кўз тикди  0 12:46"Манчестер Юнайтед" Каземирога ўринбосар топди  0 12:20Эшитдик-да! ФИФА "Бунёдкор"га илк санкцияни қўллади  9 11:48Клоппнинг ассистенти "Аякс" бош мураббийига айланиши мумкин  0 11:24Ўзбекистон – Гонконг учрашувида майдонга югуриб тушган мухлислар маъмурий жавобгарликка тортилди, 2 нафар шахс 5 суткага қамалди  18 10:57Пеп Гвардиола «Манчестер Сити»даги келажаги борасида бир қарорга келди  4 10:28«Бавария» Алонсони қўлга кирита олмаганидан сўнг бошқа бир топ мураббий билан шартнома тузмоқчи  1 10:00ЦСКА устози РПЛнинг энг кучли футболчиси кимлигини айтди  8 09:3410 ойга четлатилган Тонали яна узоқ муддатга дисквалификация қилиниши мумкин  2 09:10«РБ Лейпциг» грандлар қизиқаётган футболчига нарх қўйди  1 08:47Златан рамзий термасини тузди ва ўзини қўшмади. Нега қўшмаганини эса Ибра супер тарзда тушунтириб берди  12 08:25Фабрицио Романо Хаби Алонсонинг келажагини очиқлади  4 07:49Про лига. Бугун учинчи тур якунланади  1

Бахтиёр Ашурматов: "Нега бундай тадбирлар кам эканлигини тушунмайман" Янгиликлар

Бахтиёр Ашурматов: "Нега бундай тадбирлар кам эканлигини тушунмайман"

Кеча "championat.asia" сайтининг байрам тадбирида Сирдарёнинг "Гулистон" жамоаси бош мураббийи Бахтиёр Ашурматов ҳам иштирок этди.
Тадбир якунида эса мураббий ўз таассуротлари билан ўртоқлашди.

"Ҳаммаси ажойиб. Бундай тадбирлар нега кам эканлиги тушунмайман, ташкиллаштириш шарт! Бундай тадбирлар фақат футболга меҳр учун ишлайди. Сайт ижодкорларини ва барча ўқувчиларини 3 ёшлик айём билан табриклайман. Қисқа фурсат ичида ўз ўринига эга бўлган бу сайт намунали ишларни амалга оширмоқда" - дея тадбир ҳақидаги дастлабки фикрларини билдириб ўтади мураббий Ашурматов.

"Мухлислар билан биргаликда майдонда ҳаракат қилиш ғояси зўр ишланган. Бунда ҳамма бир-бирига яқинлашади. Уларнинг ўйинларини кузатиб ва улар билан майдонда ҳаракат қилиб яхши ўйин кўрсата оладиган мухлислар ҳам борлигига амин бўлдим.  Ҳамма бугун майдонда ҳаракат қилган мухлислардан сўраб кўрсак, футбол улар ўйлаганча осон эмаслигига амин бўласиз. Ана кўпчилик танқидчи мухлисларимиз ҳам бир-икки метрдан ҳам гол ура олишмади (кулади). Очиғини айтсак футболчига осон эмаслигини тушуниб етиш учун бундай тадбирлар ниҳоятда зарур. Улар фикр билдирганчалик осон футбол бўлмайди. Бундай тадбирларни кўпайтириш тарафдориман ва бажонудил иштирок этаман" - дея қўшимча қилиб ўтади Бахтиёр Ашурматов.

Ундан ташқари мураббий мухлисларни стадионга жалб этиш учун бу борада шундай ишлар зарурлигини ҳам таъкидлаб ўтади.

"Мана шундай тадбирларни қанчалик кўп ўтказсак стадионларимизга мухлислар ташрифи ҳам ошиб боради. Шу боис бундай ишларни кўплаб ташкил этиш жоиз. Шоулар давомида футболчилар билан яқиндан мулоқотда бўлади ва бунинг машаққатини ҳам татиб кўради. Бунда мухлислар футболчиларнинг ҳам ички дунёсига кириб боради ва уларнинг ҳам оддий инсонлигига амин бўлиб, кескин танқидий фикрлар камаяди" - дея фикрини билдириб ўтди.

"Футбол мухлислар учун ва қачон ёрдамимиз керак бўлса, лаббай деб жавоб беришга тайёрмиз. Мураббийлар ва футболчилар билиши керак ва ҳис қилиши керак. Футбол фақат мухлис учун ўйналади ва шунда кескин фикрлар камайиб алоқаларимиз мустаҳкамланади. Бунда Ўзбекистон футболи ҳам юқорилаб боради ва биз кутган даражага чиқишимиз мумкин"

Кечаги учрашувга об-ҳавони таъсири бўлмагани борасида ҳам фикрларни билдириб ўтади.

"Мени ўйлашимча битта жавоб. Йўқ таъсир ўтказмади. Ҳар қандай об-ҳавода ҳам майдонга чиқишга тайёр туришимиз ва буни мухлислар ҳам кўриши керак. Ёмғир ўз таъсирини ўйинга ўтказа олмади".

Ўйинда Ашурматов жамоаси мағлуб бўлди ва бу борада ҳам ўз фикрини айтиб ўтади.

"Ҳа албатта мағлубиятдан хурсандман дея олмайман. Биз ғалаба учун ҳаммамиз ҳаракат қилдик лекин мағлуб бўлдик. Мағлубиятимизга сабаб эса рақиб жамоамиз сафида кўпроқ футболчилар бўлгани боис бизга имкониятлар кам бўлди. Мухлислар билан футболчилар савияси кўринди. Айбни об-ҳаводан эмас жамоамиздан қидирсак яхши бўларди. Рақибмиз кучлироқ ўйин намоиш этгани боис улар ғалаба қозонди" - дея ўз сўзларини  якунлайди тадбир иштирокчиси Бахтиёр Ашурматов.

Ҳумоюн Давуров суҳбатлашди.
Рейтинг:    

Фикрлар

championat.asia
< сўнгги янгиликларни кўриш
Яндекс.Метрика