UZ

Сўнгги янгиликлар

12:22“Шўртан” футбол академиясига танлов бошланди  0 12:13Расман: Коронавирус туфайли K League ўйинлари ҳам номаълум муддатга қолдирилди  1 12:01"Футбол ретро талқинда" (3-сон)  3 11:52Спортчилар ижтимоий тармоқларда  0 11:34Расмий хабар. ОЧЛ доирасидаги "Сепахон" - "Ал Наср" ўйини Тошкентда ўтказилади  18 11:30"Андижон"ни ҳам "Puma" либосларида кўрамиз  12 11:07Неймар сўнгги 2,5 йил ичида илк бор майдондан четлатилди  2 10:44Карикатура: Брэйтуэйтнинг "Барселона"даги дебюти омадли чиқди  1 10:20Италияда шу ҳафтадаги барча ўйинлар коронавирус сабаб қолдирилиши мумкин  5 10:16Olamsport: Уайлдер - Фьюри жанги рекорд ўрнатди, ўзбек дзюдочилари учинчи бўлишди ва бошқа хабарлар  0 09:55Артета: “Лено ажойиб ўйнади”  3 09:50Ўртоқлик учрашуви. Ўзбекистон - Беларусь 0:1  22 09:42Кавани — ПСЖ сафида 200 та гол урган илк футболчи   3 09:25“Манчестер Сити”да пенальтиларни энди ким амалга ошириши маълум бўлди   2 09:13Клопп: “Нима учун бизни дунёнинг энг яхши жамоаси деб аташётганига тушунмаяпман”   11

"Бавария" - "Боруссия" Д. Превью Янгиликлар

"Бавария" - "Боруссия" Д. Превью

Бир неча соатдан сўнг Бундеслиганинг энг машҳур клублари 122 маротаба ўзаро тўқнаш келади.

Мухлислар ушбу ўйинни "Реал" - "Барселона" учрашуви каби интиқлик билан кутишади. "Бавария" - "Боруссия" Д учрашуви учун аталган превьюни эътиборингизга ҳавола қиламиз.


Турнир жадвалидаги ҳолат

"Бавария" жорий мавсум ўтказган 10та учрашувининг 50%да ғалабага эришди. Жамоа 3 марта дуранг қайд этиб, 2та баҳсда мағлуб бўлди - уйда ва меҳмонда. Айниқса Франкфуртдаги омадсизлик жуда оғриқли бўлди. Мюнхенликлар энди тўртинчи ўринда ва етакчидан тўрт очко орқада.


Дортмунд ҳам ўз ўйинларининг ярмида зафар қучди. Бироқ мағлубият фақат бир марта содир бўлди. "Арилар" жадвалда учинчи ва етакчидан 3 балл кам тўплаган.


Муҳим маълумотлар

"Бавария"да бош мураббий йўқ

Немис гранди айни дамда жуда ноқулай вазиятда. Мюнхен клуби "Der Klassiker"дан олдин бош мураббий Нико Ковач билан хайрлашди.


Якшанба тонгида машғулот ўтказиб, футболчилар билан хайрлашмаган коуч, кечга яқин ўз хоҳишига кўра клубни тарк этди. Мюнхенликлар раҳбарлари аризани муаммосиз қабул қилишди, чунки Ковач билан ҳамкорликни давом эттиришдан мани йўқ эди.


Нико Ковач кетганидан кейинги дастлабки баҳсда - "Олимпиакос"га қарши ўйинда жамоадаги атмосфера жуда яхшилиги сезилди. Маълум бўлишича, футболчилар доим Ковачдан қутилганидан мамнун.


"Боруссия" сўнгги ҳафтада яхши формада

Дортмунддаги вазият "Бавария"никига ўхшаш. "Арилар" устози эҳтиёткор футбол учун танқидлар остида қолиб кетган.


"Боруссия" Робин Гуд каби очколарни "бечора" жамоаларга улашмоқда. Шунга қарамай, жамоа Люсьен Фавр кетадиган даражада ёмон ўйин кўрсатмаяпти. Дортмундликлар меҳмондаги сўнгги уч учрашувнинг барчасида зафар қучишди.


"Боруссия" ўтган тур Бундеслигада "Вольфсбург" устидан йирик ғалабага эришди. Кубокда Менхенгладбахнинг "Боруссия"сини таслим этишди. Чемпионлар лигасида эса "Интер"ни чиройли тарзда мағлубиятга учратишди. Айни дамдаги жамоанинг асосий етакчиси - Ашраф Ҳакими. У ўз қанотида фантастик ўйин кўрсатиб, ҳужумларда жуда яхши ҳаракат қилмоқда.


Меҳмонлар тўрт йилдан бери Мюнхенда омадсизликка учрашяпти

Бу баҳс "Боруссия" учун катта аҳамиятга эга. "Классикер" анчадан бери ўз мухлисларини кутилмаган натижалар билан хурсанд қилмаяпти. Дортмунд клуби тўрт йилдан бери Мюнхенда ҳеч нарса қила олмаяпти.


"Бавария" дортмундликларга қарши чемпионатда ўтказган уйидаги сўнгги тўртта баҳснинг барчасида зафар қучган. Тўплар нисбати 20-2. Бундан ташқари "арилар" 2014 йилдан буён жанубий ҳудудда ғалаба нималигини билмаяпти.


Роберт Левандовски собиқ клубига қарши ўтказган охирги 5та учрашувида 10та гол уришга муваффақ бўлди. Польяк бу жамоалар ўртасидаги тўқнашувларнинг энг яхши тўпурари ҳисобланади.


Ҳозир Дортмунд клуби учун жуда қулай вазият, чунки улар рақибга нисбатан яхшироқ формада. Аммо "Бавария" ҳар қандай вазиятда ҳам рақибнинг ҳаётини оғирлаштира олишини исботлаган.


Мезбонларда уч ҳимоячи йўқ

Бу баҳсда иккала жамоа ҳам оптимал таркибни майдонга тушира олмайди. Айниқса мезбонлар. Камдан-кам содир бўладиган воқеа, аммо "Бавария"нинг бирданига уч асосий марказий ҳимоячиси ўйнай олмайди.


Никлас Зюле анча олдин жароҳат олган ва у деярли мавсумни якунлаб бўлди. Лукас Эрнандес йил охиригача сафдан чиққан. Жером Боатенг эса қизил карточка олиб, 2та учрашув ўтказиб юборадиган бўлди. Бу йўқотишларни одатий деб бўлмайди.


Дортмундликларда вазият оғир эмас. Таркибда жароҳатланганлар деярли йўқ. Аммо мушак муаммолари туфайли баъзи ўйинчилар майдонга туша олмаслиги мумкин. Жейдон Санчо ва Марко Ройс фақат битта машғулотда иштирок этишди ва бу футболчилар бўйича қарор ўйиндан олдин қабул қилинади.


Тахминий таркиблар

"Бавария": Нойер, Дэйвис, Алаба, Мартинес, Павар, Алькантара, Киммих, Коман, Мюллер, Гнабри, Левандовски.


"Боруссия" Д: Бюрки, Шульц, Хуммельс, Аканжи, Пишек, Делейни, Витсель, Азар, Ройс, Ҳакими, Алькасер.



Мураббийлар фикрлари

Ханс-Дитер Флик: "Айни дамдаги асосий нишон "Боруссия"ни мағлуб этиш. Бу менга ва жамоага ўзгача куч бермоқда. Йигитлар тайёрлигини ҳис қиляпман. Қолгани қизиқ эмас".


Люсьен Фавр: "Уларда яхши ҳимоячилар етарлича. Сўнгги беш йилда Мюнхенда катта қийинчиликларга учрадик, аммо қўрқмаймиз".

Бавария

Роберт Левандовски - 17', Серж Гнабри - 47', Роберт Левандовски - 76', Матс Хуммельс - 80'

Бундеслига . 11-тур

09/11/2019, 22:30

0
:
4
Тугади

Боруссия Дортмунд

Стадион: Allianz Arena, 75000 томошабин

Бош ҳакам: Felix Zwayer

45'
90'
17'  Роберт Левандовски
17'  Бенжамин Павар
47'  Серж Гнабри
47'  Томас Мюллер
67'  Кингсли Коман
70'  Серж Гнабри (Филиппе Коутиньо)
72'  Леон Горецка (Тьяго Алькантара)
75'  Кингсли Коман (Иван Перишич)
76'  Роберт Левандовски
76'  Томас Мюллер
80'  Матс Хуммельс
90'  Йосуа Киммих
36'  Ядон Санчо (Рафаэл Геррейру)
61'  Юлиан Вайгль (Франсиско Алькасер)
61'  Марио Гётце (Марко Ройс)
63'  Марко Ройс

Рейтинг: +2   

Фикрлар

championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг