Mezbon jamoa safida ikkinchi golga mualliflik qilgan Yago Aspas “Selta” tarixiga kirdi. Uning qo'l bilan kiritgan goli (hakam bu vaziyatni e'tibordan chetda qoldirdi) ushbu mavsum La Ligadagi 20-goli bo'ldi. “Selta”ning biror bir o'yinchisi so'nggi 62 yil ichida La Ligada 20 ta gol kirita olmagan edi. Bunday natija so'nggi bor 1955/56 yilgi mavsumda “Selta” a'zosi Mauro Kuesta tomonidan 24 ta gol orqali qayd etilgandi.
