Балотелли тўпни мухлисларга қараб тепди, майдонни тарк этишга ҳаракат қилди, қайтди ва рақибни жазолади
03 ноя 2019 23:54
Янгиликлар

Балотелли тўпни мухлисларга қараб тепди, майдонни тарк этишга ҳаракат қилди, қайтди ва рақибни жазолади

Марио Балотелли тўп сураётган "Брешиа" клуби А сериянинг 11-турида "Верона" меҳмони бўлди.

Учрашув мобайнида мезбон жамоа мухлислари Балотеллига нисбатан ирқчилик ҳаракатларини намоён қилишди. Италиялик футболчи ўйинни тўхтатиб, тўпни мухлислар томонга жаҳл билан тепдида, майдонни тарк этишга киришди. Бу вазиятда майдондаги шериклари Мариони фикридан қайтариб, майдонда олиб қолишди.

Майдонга қайтган футболчи "Верона" дарвозасига узоқ масофадан йўл топишни уддалади. Аммо бу гол "Брешиа"га очко учун камлик қилди. Учрашув мезбонларнинг 2:1 ҳисобидаги ғалабаси билан якунланди.