Terma jamoa ustozi Grexem Arnold bundan buyon Mark Miligan sardorlik bog'ichini taqishini matbuotga bildirdi. Mark Miligan "sokkeruzlar" safida 72ta o'yinda maydonga tushgan bo'lib, u Avstraliya futboli tarixida terma jamoaning 56-sardori hisoblanadi.
Miligan bog'ichni avvalgi sardor Mayl Edinakdan qabul qilib oldi. Ma'lumki, Edinak o'tgan oy xalqaro faoliyatini yakunladi. Terma jamoa ustozi yangi sardor haqida shunday dedi: "Mark qariyb 12 yildan beri terma jamoada to'p tepyapti. U juda ajoyib xarakterga ega. U - yetakchi va sheriklarini ortidan etaklay oladi".
