Abraxam va Pulishichning gollari "Aristokratlar"ga 3 ochko taqdim etdi.

Chelsi - Kristal Pelas 2:0 (0:0, 2:0)
9 noyabr, 17.30, Stemford Bridj
Gol: Abraxam, 52 - 1:0, Pulishich, 79 - 2:0.
Chelsi – Arrisabalaga, Zuma, Emerson, Tomori, Djeyms, Kante, Kovachich, Pulishich (Hadson-Odoy, 80), Maunt (Gilmur, 87), Villian, Abraxam (Batshuai, 73).
Zaxiradagi o'yinchilar: Kabalero, Asplikueta, Kristensen, Jiru.
Kristal Pelas – Guaita, Uord (Kelli, 44), Keyxill, van Anxolt, Tomkins, Kuyate (MakKarti, 82), Taunsend, Makartur (Shlyupp, 70), Milivoevich, Zaa, Ayyu.
Zaxiradagi o'yinchilar: Xennesi, Dann, Rayduoll, Benteke.

Ogohlantirishlar: Uillian (17), Zaa (22), Emerson (31), Kovachich (33), MakKarti (90+3).

UCHRASHUV YAKUNLANDI! "Chelsi" APL jadvalida hozircha ikkinchi o'ringa ko'tarilib oldi.

90+4. Uillianning aylanma bergan zarbasi biroz noaniq ketdi.

90+3. Sariq kartochka. MakKarti Kovachichga nisbatan butsasining tashqi qismi bilan harakat qilgani uchun jazolandi.

- Ikkinchi bo'limga ham 4 daqiqa qo'shib berildi.

87. Maunt o'rnini Gilmur egalladi.

86. Zaxiradan maydonga tushgan MakKarti bugungi o'yinda jamoasining ilk aniq zarbasi muallifiga aylandi. Kepa o'z o'rnida.

82. Jeyms MakKarti senegallik futbolchi Kuyateni almashtirdi.

80. Pulishich qarsaklar ostida maydonni tark etdi, Kallum Hadson-Odoy uning o'rnida harakat qiladi.

79. GOOOOOOOOOOOL! Pulishich katta sahnaga chiqmoqda! Neytrallikni buzayotganim uchun uzr. Ammo, "Chelsi" yoshlari ko'rsatayotgan o'yin, rang-baranglikka shunchaki qoyil qolish kerak, azizlar! RESPECT

76. Emerson zarba yo'lladi. Guaita to'p tegib maydon tashqarisiga yumalagan holda chiqib ketdi. Burchak zarbasi esa muvaffaqiyatli chiqmadi.

73. Gol muallifi Abraxam maydonni tark etdi. Uning o'rniga Mishi Batshuai tushirildi.

70. Tomkinsning boshi bilan bergan zarbasiga biroz aniqlik etishmadi.

70. O'zgarish. Makartur o'rniga Shlyupp tushirildi.

68. "Chelsi" moliyaviy yordamsiz ham ajoyib bir mexanizmga aylanib ulgurganini ko'ryapmiz. O'z akademiyasidan chiqqan yoshlar APL jamoalarini, shuningdek ECHLda ham raqiblarini qiynab qo'yishmoqda.

59. ZARBAA! Pulishich! Guaitadan ajoyib seyv!

52. GOOOOOOOL! TEMMI ABRAXAM! Uillianning zargarona uzatmasidan keyin Abraxam darvozaning uzoq pastki burchagini aniq nishonga oldi va APLdagi gollari sonini 10 taga etkazib oldi. To'purarlar jadvali

50. Jorjino sariq kartochkalari ko'payib ketgani bois ushbu o'yinni o'tkazib yubormoqda.

46. Ikkinchi taymni "Chelsi" boshlab berdi.

45+4. UILLLLIAAANN! Unda ajoyib imkoniyat bo'lgandi. Himoyachilar Uillian bergan zarbaga to'sqinlik qilishdi va hisob 0:0 ligicha qolmoqda. TANAFFUS

- Uchrashuvning birinchi bo'limiga 4 daqiqa qo'shib berildi.

44. Majburiy o'zgarish: Uord o'yinni davom ettira olmagani sababli, uning o'rniga Kelli tushirildi.

35. "Chelsi"ning ikki futbolchisi, Emerson va Kovachich, ogohlantirildi.

29. Mauntning zarbasi jonli devordagilardan biriga tegdi va "aut" "Chelsi" foydasiga.

28. "Chelsi"da juda yaxshi imkoniyat. Mezbonlar 20 metrdan jarima zarbasi yo'llash imkoniyatiga ega bo'lib turishibdi. Meyson Maunt ushbu vaziyatda faol harakat qilganini aytib o'tamiz.

23. Emersonning jarimadan yo'llagan zarbasi darvoza ustidan chamasi bir metrlar atrofida o'tib ketdi.

22. Uilfrid Zaa ham ogohlantirildi. Uillianga nisbatan qo'pol o'ynadi va "aristokratlar" jarima zarbasiga ega bo'lishmoqda.

21. Ikkinchi dekadadan (10 daqiqalik) so'ng, "Chelsi" yaqqol ustunlik qilmoqda: To'p nazorati – 73:27 (%). Darvozaga zarba berish bo'yicha: 5(1):0(0).

17. Ilk sariq kartochka "Chelsi" sardori Uillianga ko'rsatildi.

12. Dastlabki 10 daqiqada maydon egalari bir necha marotaba xavfli hujumlar uyushtirishdi va ustunlik ular tarafida. Temmi Abraxam, Kristian Pulishicha va yana bir qator yosh futbolchilar bugungi o'yinda ham Lempardning ishonchini oqlash uchun ter to'kishni boshlab yuborishdi. "Ayaks"ga qarshi o'yinni eslayapsizmi? Ox, qanday ajoyib va dramatik ruhda kechgandi! Ushbu o'yinni yana bir bor ko'rishingizni tavsiya qilib qolaman! Aytgancha bugungi o'yinni siz va men Nodir Abdurasulov birgalikda kuzatib boryapmiz.

1. Uchrashuv boshlandi!

APL. "Chelsi" ishonchli g'alabaga erishdi