40 ёшли ҳужумчи катта эхтимол билан бу йил “Нефтчи” сафида ўйнаб, футболчилик фаолиятини якунлаш мақсадида. Мухлислар яхши билишса керак, Анвар Бердиев фарғоналиклар сафида сўнгги бор, 2014 йилнинг биринчи қисмида ўйнаганди. Сўнгра клубни бош мураббий Юрий Саркисян тарк этгач, Бердиев ҳам “Бунёдкор”га кўчиб ўтганди. 2015 йилнинг иккинчи даврасидан футболчи “Андижон”дан тушган таклифни қабул қилиб, 2017 йилга қадар “бургутлар” шарафини ҳимоя қилди.
