Англиядаги стадионга террорчи тасвири жойлаштирилди
24 июн 2020 23:37
Янгиликлар

Англиядаги стадионга террорчи тасвири жойлаштирилди

Марҳум террорчи Усама бен Ладен "Лидс Юнайтед" мухлисига айланди.

Гап шундаки, "Эллан Роуд" стадиони трибунасига "Ал Қоида" террорчилик ташкилоти асосчисининг тасвири туширилган манекен ўрнатилган.

Буни сурати бен Ладеннинг тасвири билан ёнма-ён турган мухлис пайқаб қолди. Сурат ижтимоий тармоқларда жуда тез тарқалиб кетди.

"Эллан Роуд" стадионига ҳар қандай тасвирни 25 фунт стерлинг эвазига қўйишингиз мумкин. Афтидан, кимдир барча билан ҳазиллашмоқчи бўлган.

Бугун "Лидс" матбуот хизмати террорчининг тасвири олиб ташлангани, энди бу каби воқеа содир бўлмаслиги учун назорат ўрнатилишини маълум қилди.

Аввалроқ ҳамюртимиз Икром Алибоев ўйнайдиган Жанубий Кореянинг "Сеул" клуби трибунада жинсий қўғирчоқлардан фойдалангани учун 100 млн вон миқдорида жарима тўлаган эди.

Ҳавола :

Манба : Marca

Янгиликларни Телеграмда ўқинг!

Рейтинг: +4