UZ

Сўнгги янгиликлар

21:50Де Брюйне қанча муддатга сафдан чиққани маълум  0 21:35Зидан “Реал”нинг айрим футболчилари билан 3 ойдан бери гаплашмаяпти  2 21:25Польша терма жамоасига янги бош мураббий тайинланди  0 21:23"Навбаҳор" футболчиси "Бухоро"га ўтди  7 21:052020 йилнинг энг яхши лигалари рейтингини эълон қилинди. Ўзбекистон Суперлигаси Осиёда 5-ўринда  23 20:59"Шота Арвеладзе, "Пахтакор", Машарипов, "Аякс" ва янги мавсум ҳақида" - Питер Хюистра билан интервью  4 20:35Чехия футбол ассоциацияси расмий баёноти: "Роналду Бицаннинг рекордини янгиламади"  15 20:10Зиданнинг "Реал"даги келажаги муҳокама қилинди (Marca)  6 20:00Конор - Порье. Биринчи жангдан сўнг ўзгаришлари: Ҳар иккиси чемпион, Порье Хабибни мағлуб этишга яқин келган ягона жангчи. Конор эса ММА оламини ўзгартириб юборди  0 19:50“Спартак”: “А Серияда омад, Саша”  7 19:40Англия 4-дивизион жамоаси посбони Гиннеснинг рекордлар китобига кирди  9 19:20Агуэро навбатдаги муаммога дуч келди  3 19:10Кокорин А Серия клубига ўтаётганини тасдиқлади  8 18:47Милик кун охиригача "Марсель" ўйинчисига айланиши мумкин  0 18:30У "Ливерпуль" ёки "Манчестер Юнайтед"га кўпроқ мос тушарди. Тимо Вернердан нотўғри фойдаланишяптими?   9

Андрей Канчельскис: "Исмини айтмайман, у каби футболчиларни энди майдонга туширмайман" Янгиликлар

Андрей Канчельскис: "Исмини айтмайман, у каби футболчиларни энди майдонга туширмайман"

Coca Cola Суперлигаси 8-тури доирасида "Бунёдкор"дан учралган мағлубиятдан кейин "Навбаҳор" бош мураббийи Андрей Канчельскис журналистлар саволларига жавоб берди.




- "Бунёдкор"ни ғалаба билан табриклайман. Жамоа биринчи бўлимнинг ўзида икки гол фарқи билан олдинда эди. Фол бўлди, хуштак чалинмади, иккинчи гол урилди. Албатта оғир. Иккинчи бўлимда бошқачароқ ўйнадик, гол урдик, вазиятлар яратдик. Аммо сафарда ўйнаш доимо қийин бўлган. Энди кейинги ўйинда таркиб ўзгаради, кимдир ўтказиб юборади, айримлар нималарнидир ўйлаши керак бўлади. Улар футболдаги кейинги фаолияти қандай ўтишини ўйлаши керак. Баъзи футболчилар барчаси яхши, аъло даражада деб ҳисоблашди, чиройли ҳаёт, яшаш яхши, аммо ҳар бир ўйинда сиз кучли эканлигингизни кўрсатишингиз керак. Барибир иккинчи гол ўйинни синдирди деб ҳисоблайман. 1:0дан чиқиб кетишнинг иложи бор, бироқ 2:0 жуда қийин масала. Кейинчалик учинчиси ҳам дарвозамиздан ўрин олди.

- Ўтган бир неча ўйинларда жамоа яхши ўйнаганди. Бунисида эса куч етишмади.
- Айтганимдек, айрим футболчилар яхши ҳаётга ўрганиб қолишган. "Насаф" майдонида дуранг, Бекободда ғалабадан кейин футболчилар ўзларига қўйилган талабни пасайтиришди. Захирада кўзи ёниб турган, ўзига бериладиган имкониятни пойлаётган футболчилар кўп. Ўзгаришлар қилинади, таркибда айрим камчиликлар ёпилади. Исмини айтмайман, у каби футболчиларни энди майдонга туширмайман, буни "Навбаҳор" мухлислари олдида ҳам ваъда бера оламан. Футболда ҳар бир ўйинда кўрсатиш ва рақибни жазолаш керак. Ҳа, баъзида Роналду ва Мессида ҳам нимадир ўхшамай қолади. Футболчида истак ва хоҳиш бўлиши шарт. Бу йўқми, демак, ўзгаришлар бўлади, таркибда янгилашлар юзага келади, унинг ўрни бошқа футболчилар билан тўлдирилади.

- Ўйиндан олдин футболчилар билан Наманган вилояти ҳокими кўришиб гаплашган дейишганди. Балки шу ҳам футболчиларга таъсир ўтказгандир.
- Йўқ, ундай эмас. Ҳокимга ташаккур айтаман. У Наманганда футболнинг ривожи учун катта иш қилмоқда. У доимо биз учун қайғуради. Шу сабабли бу ҳеч қандай таъсир қилмаган. Мағлубиятда ўзимиз айбдормиз, энди ўйин, йўлга қўйган хатоларимизни кўриб чиқамиз. У бизга омад тилади. Бугун футболчиларим 70 фоиз кучи билан ўйнади. Бу ҳеч нима эмас, бундан етарлича дарс олдик. Ҳар бир негатив ишдан позитив фикр ҳам олиб туриш керак бўлади. Олдимизда "Қизилқум"га қарши жуда муҳим баҳс кутиб турибди. Бугунги ўйиндаги айбдорлик ҳиссини шу ўйинда йўқотамиз. Навбатдаги ўйин бошқача бўлади. Ваъда бераман.

- Жамоа биринчи бўлимда пиёда юрди. Иккинчи бўлимни юқори тезликда бошлаб, кейин яна секин ўйин бошланди. Балки футболчиларнинг жисмоний ҳолати яхши эмасдир.
- Йўқ, ундай демаган бўлардим. Агарда иккинчи бўлимда "Бунёдкор"дан кам югурганимизда бу ҳақида гапирса бўларди. Сафарда бундай жамоага қарши ўйинда "фора" бериб ўйнаш катта хатолик бўлади. Ўтказиб юборилган икки голдан кейин ҳам биз ўйинни кучайтириб яна бир бор дарвозамиздан тўп олиб чиқдик. Биринчи бўлимда биз ҳар томонлама рақибга ютқаздик. Гапингизга қўшиламан, футболчилар ўйинга иштиёқ билан, куч билан чиқишлари, биринчи дақиқадан 90-дақиқага қадар тўп учун курашишлари керак. Айрим футболчилар эътиборини бошқа жойга қаратган ва шунга ўхшаш муаммолар. Шу сабабли иккинчи бўлим бошиданоқ 3 футболчини захирага олдим. Бир томондан олиб қаралганда омадимиз ҳам келмади. Болов вазиятдан фойдаланганида 2:2 бўларди ва ўйин бошқача кечган бўларди. Бироз бўшашгандик "Бунёдкор" учинчисини ҳам уриб кетди. "Бунёдкор"ни яна бир бор ғалаба билан табриклайман ва омад тилайман.

Рейтинг: +36   

Фикрлар

championat.asia
< сўнгги янгиликларни кўриш
Яндекс.Метрика