UZ

Сўнгги янгиликлар

Андрей Канчельскис: "Айнан кимнидир ёки ЎФАни танқид қилиш ниятида эмас эдим. Барчасига ҳаяжон сабаб" Янгиликлар

Андрей Канчельскис: "Айнан кимнидир ёки ЎФАни танқид қилиш ниятида эмас эдим. Барчасига ҳаяжон сабаб"

Суперлиганинг 1-тури доирасидаги “Навбаҳор” — “Қўқон-1912” учрашувидан кейинги матбуот анжуманида Наманган жамоаси устози Андрей Канчельскис билдирган фикрлар футбол жамоатчилиги орасида тушунмовчиликларга сабаб бўлди.

Бунда россиялик мутахассис ЎФА ишлаш тизимини тушунмаётгани ортидан танқидий фикрлар билдиргани кўриниб қолганди.

Профессионал футбол лигаси мазкур ҳолатни босиқлик билан қабул қилди ҳамда ишни ЎФА қўмиталарига оширишга шошилмади. Аксинча, Канчельскис билан бир неча кундан сўнг боғланиб, мазкур масала юзасидан изоҳ сўради.

“Биласизми, 1-тур ўйинини мезбон бўла туриб, ўз майдонимизда ўтказмаганимиз кайфиятимизни бироз бузди. Қолаверса, чемпионатни ғалаба билан бошламоқчи эдик. Лекин якунда “Қўқон-1912” билан дуранг ўйнадик. Бунинг ортидан матбуот анжумани вақтида кайфиятим жойида эмасди. Ҳаяжон сабаб фикрларимни бироз қўпол тарзда баён этиб юбордим. Аслида эса айнан кимнидир ёки ЎФАни танқид қилиш ниятида эмас эдим. Қизишиб айтган сўзларим учун футбол жамоатчилигидан узр сўрайман”, — деди Канчельскис.

Қайд этиш керак, Профессионал футбол лигаси ўз майдонида улкан ўзгаришлар қилаётган “Навбаҳор” футбол клубининг меҳнатларини қадрлайди. Шунинг учун ҳам мазкур жамоага ўз уй учрашувларини вақтинчалик исталган стадионда ўтказиш имконияти тақдим этилди. “Навбаҳор” стадионининг янги кўриниши қачон тайёр бўлиши ҳам, мазкур жамоа айнан қайси стадионда ўйнашни ихтиёр этиши ҳам ЎзПФЛ ёки ЎФАнинг қўлида эмас. Бундан келиб чиқадики, бош мураббий томонидан билдирилган кескин фикрлар кўпроқ жамоа раҳбариятига тегишлидир.

“Айни пайтда ПФЛ барча майдонлар идеал ҳолатда бўлишини талаб этмоқда ва бу жуда тўғри фикр. Ушбу ташаббусни тўла қўллаб-қувватлайман. Европада, хусусан, Англияда фаолият олиб борган киши сифатида айтишим мумкинки, яхши ҳолатдаги майдонда футболчи ҳам роҳатланиб тўп суради. Шунинг учун уй стадионимиз имкон қадар тез муддат ичида тайёр бўлишини ҳамда жамоамиз ишқибозларини чиройли ғалабалар билан хушнуд этишини истайман”, — деб фикрида давом этди мураббий.

ЎзПФЛ Канчельскис томонидан билдирилган мазкур фикрларни қўллаб-қувватлайди. Шунингдек, бир йил муқаддам Суперлиганинг бир қатор клублари айнан “Навбаҳор” стадиони масаласида қийинчиликка дуч келгани, бироқ ПФЛ талаби билан ўйинлар наманганлик мухлислар кўз ўнгида ўтишини талаб қилганини эслаб ўтишни жоиз деб ҳисоблайди. “Навбаҳор” раҳбарияти бундан тўғри хулоса чиқариб, вазиятни яхшилаш йўлидан юраётгани ёқимли ҳолат. Таъмирлаш ишлари якунига қадар эса клуб мутасаддилари европалик мураббийга ҳолатни тўлиқ тушунтириб беришлари керак бўлади.

Профессионал футбол лигаси майдони айни пайтда учрашувларни қабул қилишга тайёр бўлмаган жамоаларга стадион танлаш ҳуқуқини тақдим этди. Шу боисдан “Навбаҳор” — “Қўқон-1912” учрашуви Тошкентдаги ТТЙМИ стадионида бўлиб ўтди. Боиси, Намангандаги стадион ҳам, “Қўқон-1912” уй стадиони ҳам айни дамда янги мавсумга тўлиқ тайёр эмас эди. Наманганликлар шу сабаб ўз уй учрашувини Фарғонадаги “Истиқлол” стадионида ўтказиш ниятида эдилар. Якунда эса “Навбаҳор” “Истиқлол” стадиони эмас, балки ТТЙМИ стадиони билан келиша олди ва натижада “лочинлар” илк тур ўйинини Тошкентда ўтказишди. “Навбаҳор” ва “Истиқлол” стадиони ўртасидаги келишув нима сабабдан амалга ошмагани юзасидан ҳам “Навбаҳор” футбол клуби изоҳ бериши керак, ПФЛ эмас.

ЎзПФЛ Канчельскис томонидан ҳаяжон сабаб айтилган фикрларга кейинчалик тузатиш киритилди, деб ҳисоблайди. Шунингдек, таъмирлаш ишлари давом этаётган бир қатор стадионларда иш якунига етгунига қадар футбол мухлислари ва ОАВ вакилларидан масалага босиқлик билан ёндошишни сўрайди. Яна бир неча кунлардан сўнг Суперлиганинг бир қатор стадионларида ижобий ўзгаришлар бўлаётганига гувоҳ бўлиш мумкин. Шу билан биргаликда ЎФА ҳамда ЎзПФЛ асоссиз танқид қилингани ҳолатида футболчи ёки мураббийлар ишини Тартиб-интизом ҳамда этика масалалари бўйича жавобгар қўмиталар кўриб чиқишини эслатиб ўтамиз.

Рейтинг: +11   

Фикрлар

+16   
16 мар 15:42:04
Farrukh Fc. MILAN
Agar uzimizni fuqaro bulganida bosib tashlashrdi, konstitutsiyada suz erkinligi degan jumla bizda xalq dushmani deb qaralishi 25 yil davomida qonimizga singib ketgan
+11   
16 мар 15:45:02
АТЛЕТИКО М.Ю_7
BIZDA ROST SUYLAB BULMAYDIKU TOGA SIZ OCHIQCHASIGA GAPIRIB QUYGANSIZ PFL TUGRI YULDAN KETVOTTI BUNI HAMMA MUXLIS BILVOTTI AA SIZ YOLGON GAPIRGANSIZ UZBEKCHILIK HAFA BUMAYSIZ
+8   
16 мар 15:57:09
LOCHINLAR 2018
ODAM ULIB KETADI YAXSHILIK QOLADI ODAMDAN HALOL ISHLASA MARD BULIB KURDIK BITTA JIPIRIQNI KAR KAR QILIB HALOLLIK QANI DEB QANAQA ISH OLIB BORILIYATGANLIKGINI MUXLISLAR BILADI PUL BUSA JAMOANG SUPPER LIGADA
+7   
16 мар 15:49:07
Online_uz
Hayajonda aytadimi asabiylashibmi to'g'risini aytganda PFL shuniyam izoxlashini so'rab tel qilgan tanqidga chidolmay u osmondan olib bo'lmagan narsalarni aytmagan bor gapni aytgan 2-tur nimaga davom etmayapti bugun ertaga qo'yish ham mumkin edi Paxtakor bilan Lokomotiv o'yin o'tkazyaptiyu PFL ni ishlashi usuliga tushunmayapman deb to'g'risini aytganda
+6   
16 мар 16:10:16
ASA.Futboll
Андрей ака куйинманг! Сизни туғри тушуниб турибди хамма. Айтилган ишни қилиб турсангиз аста-секинлик билан УФАнинг финтларига урганиб кетасиз или бошқа профессионалрок Лигани афзал курасиз.....
+4   
16 мар 17:16:54
ахмад пошшо
Канчелскас бизда янги одам УФА даги номакулчиликларни хазм килаолмаётибди,олийга Самарканд ва Сурхоннинг осмондан тушиши,Андижоннинг Шерзод Косимов оркали олийга чикиши ва хокозо, хеч нима эмас якинда мослашиб кетади.
+4   
16 мар 17:12:56
Boymurod Neftchi
Футболимиз хакидаги бор хакикатни ютук ва камчиликларни Канчельскис энди качонки Навбахордан кетиб Россияга борганда рус матбуотига айтади
+4   
16 мар 15:42:03
Farrukh Fc. MILAN
Agar uzimizni fuqaro bulganida bosib tashlashrdi, konstitutsiyada suz erkinligi degan jumla bizda xalq dushmani deb qaralishi 25 yil davomida qonimizga singib ketgan
+4   
16 мар 15:41:15
Kamol Xamraev
Bechora murabbiy jurnalistlarni qistovi bilan o'zi aytgan gaplari uchun kechirim so'rashga majbur bo'ldi agar yevropa bo'lganida hech qachon bunday kechirim so'ramas edi haqiqat bukiladi lekin sinmaydi
+4   
16 мар 15:39:47
Барселона+МЮ=Кизилкум
Канчельскис ,, Канча давлатларда булдим футбол уйнадим мураббий булиб ишладим, мени кечирасилар-куя лекин бунака чимпионатни биринчи куришим узларича Эврика яратишмокда шуям Кола лигасимиш ва ха ха ха ,, деб кулмаптику халиям .
+3   
16 мар 17:21:23
Samarqand fcdinamo
Bu O‘FA ga hech tushunmayman 1 -turni o‘tkazdik endi yana 20 kun tanaffus tavqimni kim nimaga asoslanib tuzgan Navbahor ustozi mana shu gaplani aytganku bu yerda stadion prichom nima kerak ko‘zbo‘yamachilik
+3   
16 мар 16:35:21
Sardorbek Gafurbekov
Қисқаси, Навбаҳор стадиони чими идеал холатга кирганини кўриб, қилинган меҳнат самарасини кўриб, ҳали кўзлар қувнийди, фаҳрни ҳис қилинади, С.А.да бир биридан гўзал сўзлар билан тасаннолар айтилади, унгача бироз сабр қилиш керак.Ҳадеб нолийвурадиган инсонлар доим бўлган, улар ҳеч нарсани қурмийди, маблағ сарфламийди, бўлавуради деб, тараққиётти орқага тортавуради.Навбаҳорга ётқизилаётган янги чим чиройли, сифатли футбол кўрсатишига сабаб бўла олишига тилакдошман.
+2   
16 мар 16:24:08
Navbahor muhlisi
Hafa bolmang Andrey aka bizda hatto Toshbaqayam uchadi
+2   
16 мар 16:03:46
inamjon
Afsus Mourinio Zlatanga oxshagan odam bolganida PFLning ozini tuzlardi
+2   
16 мар 15:56:02
O'zbekchasiga
Mana six ham kabob ham kuymapti bo'larkanku)
championat.asia
< сўнгги янгиликларни кўриш
������.�������

CA ни Facebook да ўқиш
учун "Yoqdi"ни босинг