- Kutganimizdek, o'yin ancha qiyin o'tdi. Bundan oldin Chempionlar ligasi doirasida o'yin o'tkazganimizning ta’siri ham biroz sezildi. Har holda parvoz va ob-havo ham biroz ta’sir ko'rsatdi. Bugungi o'yinga tanlagan taktikamiz o'zini to'la oqlashi uchun bizga raqib darvozasining ishg'ol etilishi yetishmadi. Juda ko'p sonli yaratilgan qulay imkoniyatlar ko'kka sovurildi. Agar shu vaziyatlardan birortasini ijobiy yakunlaganimizda, bizga biroz osonroq bo'lar edi, - dedi mutaxassis.
