Андижонликлар Қозоғистондаги турнирда яна ғалаба қозонди

Унда Андижон вилояти академияси тарбияланувчилари ҳам иштирок этаётганини айтиш лозим.

Лочин Гулдаев бошқарувидаги “АФА-SGS Shiringaz-2006” жамоаси ўз гуруҳида сўнгги ўйинда ҳам ғалаба қозониб, кейинги босқичга йўл олди. Бу сафар улар Қозоғистоннинг “Аристон” жамоаси билан рўбарў келиб, йирик – 4:0 ҳисобида ғалаба қозонди. Мазкур учрашувда Саидбек Деҳқонов билан Бекмурод Абдураимжонов дублга эришгани эътиборга моликдир.

Шохрух Ишанов бошқарувидаги “АФА-SGS Shiringaz-2005” жамоаси ҳам ўз гуруҳидаги охирги ўйинини ғалаба билан якунлади. Қирғизистоннинг “Олга-Бишкек” жамоасига қарши кечган учрашувда андижонликлар якунда 3:1 ҳисобида ғалаба қозонди. “АФА-SGS Shiringaz-2005” жамоасининг голларига Акбархўжа Нўъмонхўжаев, Абубакир Ражабов ҳамда Ўктамбек Абдумаликов муаллифлик қилди.