Андижонда футзал бўйича ўсмирлар ўртасида мусобақа бўлиб ўтди
27 янв 2018 21:24
Янгиликлар

Андижонда футзал бўйича ўсмирлар ўртасида мусобақа бўлиб ўтди

Теглар : Андижон

Жорий йилнинг 25-26 январь кунлари Ўзбекистон футбол Ассоциациясининг тақвим режасида белгиланган тадбирларга асосан Андижон вилояти Хўжаобод туманида мини-футбол (футзал) бўйича вилоят дастлабки босқичи ўтказилди.

Ушбу мусобақада 15 ёшгача бўлган жами 8та жамоа қатнашди. Мусобақа кўтаринки руҳда ташкил этилиб қизғин курашлар остида кечди. Ушбу мусобақа давомида вилоят терма жамоасига ўйинчилар танлаб олинди. Мусобқада биринчи ўринни Хўжаобод тумани Болалар ва ўсмирлар спорт мактаби, икккинчи ўринни Булоқбоши тумани Болалар ва ўсмирлар спорт мактаби, учинчи ўринни Андижон шаҳар Ихтисослаштирилган болалар ва ўсмирлар спорт мактаби жамоалари эгалладилар.

Мусобақа ғолибларига Андижон вилоят футбол федерацияси, Болалар спортини ривожлантириш жамғармаси вилоят филиали ҳамда “Ёшлик” ЖТСЖ вилоят кенгаши томонидан 1,2,3-даражали дипломлар ва эсдалик совғалар билан тақдирландилар.

Андижон вилоят футбол федерацияси матбуот хизмати.