Клуб спорт директори Элбек Саматов мазкур масала бўйича клуб матбуот хизматига қуйидагиларни маълум қилди:
"Биз Александр Хомяков билан ўзаро келишувга кўра ҳайрлашганмиз. Ҳақиқатан жамоамизнинг собиқ мураббийдан қарзи бор. Лекин муаммо шундаки, клуб унга тўламоқчи бўлган қарз билан Хомяков сўраётган қарз ўртасида тафовут борлиги учун икки томон ҳали бир тўхтамга кела олмаган.
Бунинг натижасида Хомяков ФИФАга ёзган. Аммо бу масалада клуб ҳам ўз муносабатини билдирган ва ФИФАга мурожаат қилган. Иш ҳали тўлиқ якунига етгани йўқ ва жараён давом этяпти. Биз албатта ушбу масаланинг якуни бўйича яна жамоамиз матбуот хизмати орқали расмий маълумот берамиз".
