Андижон вилояти ҳокими Кубоги финалидан “Рашмилк” ва “Навбаҳор” жамоалари учрашди

Жамоалар уч гуруҳга бўлинган ҳолда баҳсларда қатнашдилар. Бўлиб ўтган қизиқарли баҳслар якунида энг кучлилар сараланиб асосий ўйинларга етиб келинди.

Мусобақанинг учинчи ўрин учун учрашуви “ЎзДонгЯнг” ва “ЎзСемЮнг” жамоалари ўртасидаги кечиб, 2:0 ҳисоби билан якунига етди.
Кўплаб мухлисларнинг қизиқишига сабаб бўлган финал учрашувида эса Андижоннинг “Рашмилк” ҳам Наманган вилоятининг “Навбаҳор” жамоалари куч синашдилар. Кескин курашлар билан кечган баҳсда “Рашмилк” 1:0 ҳисоби билан ғалаба қозонди.

Мусобақанинг тантанали ёпилиш маросимида сўз олган Андижон вилоят футбол ассоциацияси биринчи вице-президенти Бекзодбек Каримов ҳамда Наманган футболи мутасаддилари турнирда фаол иштирок этган жамоаларга ўз миннатдорчилигини билдирдилар. Турли йўналишларда ўзини намоён этган ҳаваскор футболчиларга алоҳида совғалар берилди.

Асосий соврин бўлган Андижон вилоят ҳокими Кубоги “Рашмилк” жамоасига топширилди.


Элмурод Эрматов, Андижон