"Андижон" футболчилари бугунги учрашувни қора боғичда ўтказади
15 июн 15:43
Янгиликлар

"Андижон" футболчилари бугунги учрашувни қора боғичда ўтказади

Бугун "Андижон" жамоаси Муборакдаги "Б. Вафоев" номли стадионда Суперлиганинг 4-тур доирасида "Бухоро" клубига қарши майдонга тушади.

Хабарингиз бор, яқинда Андижон вилояти ҳокими, "Андижон" футбол клуби президенти Шуҳратбек Қўшақбоевич Абдураҳмоновнинг онаси - Саодатхон ая вафот этганди.

Шу муносабат билан, "Андижон" футбол клуби футболчилари бугунги учрашувни қора боғич остида ўтказиб, ўз таъзияларини мана шундай тарзда билдиришга қарор қилишди.

Эслатиб ўтамиз, "Бухоро" ҳамда "Андижон" жамоалари ўртасидаги учрашув Бухоро шаҳридаги "Марказий" стадионда таъмирлаш ишлари олиб борилаётганлиги сабабли, Муборак шаҳридаги Б. Вафоев стадионида бўлиб ўтади.

Учрашув соат 18:30да бошланади.

Ҳавола :

Манба : "Андижон" матбуот хизмати

Янгиликларни Телеграмда ўқинг!

Рейтинг: +5