Альваро Мората "Рома"га ўтишга розилик берди. Шомуродовнинг клуб сафида майдонга тушмаслиги ойдинлашмоқда

Ҳужумчи Альваро Мората "Рома" клубининг таклифини қабул қилди. Corriere dello Sport нашрининг маълум қилишича, Мората Рим клуби берган таклифга рози бўлган. Маошлар ҳам келишиб олинган. Альваро Римда 4.5 млн евро маош олади. Бонуслар билан ушбу рақам 500 минг еврогача ошиши мумкин.

Яқин кунларда "Рома" "Атлетико" билан боғланади ва трансфер масаласини муҳокама қилади. Ҳужумчи 12 млн еврога сотиб олиш мажбурияти билан ижарага олиниши мумкин.

Қўшимча қилинишича, "Интер" клубигина ушбу трансферга ҳалал бериши мумкин. Саудия Арабистони клубларида эса футболчини қўлга киритиш бўйича умуман имконият йўқ. 

Яна бир ҳужумчи "Рома" билан келишиб олар экан, Элдор Шомуродовнинг ушбу клубда майдонга тушмаслиги ойдинлашмоқда. 

Аввалроқ, Шомуродовнинг Моуринью режаларидан жой олмагани маълум бўлганди.

Шомуродов Моуриньюнинг режаларидан жой олмаган