Ammo “gazchilar” rahbariyati joriy mavsum Asror Chorievichning xizmatidan foydalanmoqchi emasdek. Olingan ma'lumotlarga ko'ra, Aliqulov hozirda “Mashal” bilan birga emas. Shuning uchun mashg'ulotlarni Dilyaver Vaniev bilan Botir Qoraev o'tkazib kelmoqda. Ushbu vaziyatga oydinlik kiritish maqsadida Aliqulovning o'zi bilan bog'langanimizda, “Mashal”dagi kelajagi yaqin 2-3 kunlarda aniq bo'lishini ta'kidlab, batafsil javob berishni istamadi. 42 yoshli mutaxassisning gapidan shuni bilish mumkinki, unga boshqa klublardan ham chaqiruv bo'lgan.
