"Alaves" – "Real Madrid" 1:4 (0:0, 1:4)
14 avgust, "Mendisorrosa" o'yingohi
Gollar: 0:1 – 48 Benzema, 0:2 – 56 Nacho, 0:3 – 62 Benzema, 1:3 – 65, penalti Xoselu, 1:4 – 90 Vinisius Junior.

"Alaves" – Pacheko, Agirregabiria, Laguardia, Lejen, Duarte, Pina (Moyya, 82), Mendes (Martin, 68), Pere Pons (Lum, 59), Manu Garsiya (Gvidetti, 59), Xoselu, Rioxa (Pelistri, 68).

"Real Madrid" – Kurtua, Nacho, Militao, Alaba, Modrich (Asensio, 88), Kazemiro, Valverde (Isko, 88), Vaskes, Benzema (Yovich, 89), Beyl (Rodrigo, 68), Azar (Vinisius Junior, 66).

Ogohlantirishlar: Manu Garsiya (35), Beyl (53), Kurtua (64).

Ushbu sahifada uchrashuvning matnli translyaciyasini kuzatib borishingiz mumkin bo'ldi.

YANGILASH

Chempionatni "Qirollik klubi" ishonchli o'yin va yirik g'alaba bilan boshladi. La Ligani kuzatishda davom eting, bu liga Messi va Ronaldugacha ham TOP bo'lgan!

90+3-daqiqa. "Alaves" o'yinni markazdan boshladi va hakamning final hushtagi yangradi.

90+2-daqiqa. GOOOOOOOL! Vinisius niyatiga etdi va o'z nomiga gol yozdirib qo'ydi.

90+1-daqiqa. Vinisius...

Uchrashuvga 3 daqiqa qo'shib berildi.

90-daqiqa. "Alaves"ning yana bir urinishi omadsiz chiqdi va o'yinning asosiy vaqti ortda qoldi.

89-daqiqa. Oldinga harakatlanayotgan Vinisiusga nisbatan qo'pol o'ynashdi.

88-daqiqa. O'zgarishlar! Luka Modrich, Federiko Valverde va Karim Benzema o'rniga Luka Yovich, Isko va Marko Asensio maydonga tushirildi.

86-daqiqa. David Alaba jarima maydoni ichida yiqilib tushdi va hakamga yuzlandi... Biroq uchrashuvni boshqarib borayotgan Sezar Soto "o'rningdan tur" degandek ishora qildi.

83-daqiqa. O'zgarish! Tomas Pinya o'rnini Toni Moyyaga bo'shatib berdi.

81-daqiqa. Vinisius tezkorligi va texnikasini ishga solib, qanotdan jarima maydoniga yorib kirdi hamda uzatmani ham amalga oshirdi, ammo sheriklari buni kutmagan chog'i, to'pga ulardan hech biri etib bora olmadi.

79-daqiqa. Uzoq masofadan berilgan zarbadan keyin Kurtua to'pni qo'lidan chiqarib yubordi, ammo baxtiga yaqinroqda raqiblardan hech kim yo'q edi.

75-daqiqa. Nacho himoyada ishonchli harakat qilib, xavfni bartaraf etdi.

73-daqiqa. "Real" navbatdagi burchak zarbasini ishlab olmoqda. Ammo mehmonlar standart vaziyatdan foyda chiqara olishmadi.

71-daqiqa. Rodrigo tezligi evaziga raqibini dog'da qoldirib ketayotganida, to'p maydondan chiqib ketib qoldi. Aks holda u darvozabon qarshisiga chiqib kelardi.

68-daqiqa. O'zgarish! Luis Roxa va Edgar Mendes o'rniga Fakundo Pelistri hamda Ivan Martin tushdi.

68-daqiqa. O'zgarish! Garet Beyl o'rniga Rodrigo maydonga tushirildi.

66-daqiqa. O'zgarish! Eden Azar o'rnini Vinisiusga bo'shatib bermoqda.

65-daqiqa. GOOOOOOOL! Xoselu penaltidan Kurtua darvozasini ishg'ol qildi.

64-daqiqa. Ogohlantirish! Hakam Tibo Kurtuaga sariq kartochka ham ko'rsatdi.

64-daqiqa. PENALTI! Militaoning qo'pol xatosi va Kurtua raqibiga nisbatan qoidani buzdi.

62-daqiqa. GOOOOOOL! Karim Benzemadan dubl. Bu golda 90% ishni Fede Valverde qilib berdi.

60-daqiqa. Gvidettining zarbasi qovushmadi va Kurtua to'pni egallab oldi.

59-daqiqa. O'zgarishlar! Manu Garsiya va Pere Pons o'rnini Yon Gvidetti va Mamadu Ndiaye egallamoqda.

56-daqiqa. GOOOOOOOL! Nacho oradagi farqni oshirmoqda.

55-daqiqa. Alaba qanotdan oldinga o'tib, uzatgan to'pga Beyl etib kelishiga himoyachi imkon bermadi.

53-daqiqa. Ogohlantirish! To'p uchun kurashda Garet Beyl keskinroq o'ynadi deb topildi.

50-daqiqa. "Alaves" endi bor omadini hujumdan izlashga majbur.

48-daqiqa. GOOOOOL! Hujum chizig'idagi barcha ishtirok etgan hujum va Benzema "Qirollik klubi"ning mavsumdagi birinchi golini urdi. Azardan assist.

46-daqiqa. Ikkinchi bo'lim boshlandi!

Qo'shib berilgan o'sha daqiqa faqatgina Azarning o'yin qoidasini buzganiga etibor qaratish mumkin bo'ldi. Qolgan vaqt biror darvoza oldida xavfli vaziyat yuzaga kelmadi. Tanaffus, biroz dam olamiz.

Birinchi bo'limning asosiy vaqtiga 1 daqiqa qo'shib berildi.

45-daqiqa. Jarima zarbasini David Alaba amalga oshirdi, uning urinishi kuchli, ammo ancha noaniq chiqdi.

44-daqiqa. Valverdega nisbatan qo'pollik, hakamning hushtagi chalindi.

42-daqiqa. Rioxa chap qanotdan katta tezlikda oldinga o'tib bordi va jarima maydoniga yaqinlashib, zarba berdi... Biroz noaniq.

41-daqiqa. Uzoq davom etgan hujum Alabaning noaniq zarbasi bilan yakunlandi.

38-daqiqa. "Alaves"ning javob hujumi va bahsli holat yuzaga keldi. "VAR"ga murojaat qilindi, lekin barchasi joyida to'p Vaskesning qo'liga tegmagan va penaltiga asos yo'q.

37-daqiqa. Zarbani Garet Beyl amalga oshirdi, urinish aniq, lekin darvozabon ham o'rnida.

35-daqiqa. Ogohlantirish! Manu Garsiya hakam tomonidan ogohlantirildi. Futbolchi baland uchgan to'pni bir harakatda to'xtatib ololmadi va Benzema uni olib, qochib ketmasligi uchun fol ishlatishga majbur bo'ldi.

34-daqiqa. Kazemiro raqibini o'z "uslubida" kutib oldi.

32-daqiqa. Alabadan yaxshi uzatma va Azar zarba berishga urinib ko'rdi.

28-daqiqa. Har ikki jamoa ehtiyotkorlikni unutmagan holda hujum uchun imkon qidirmoqda.

Qoida buzishlar bo'yicha ko'rsatkich 4:1.

25-daqiqa. Alaba va mehmonlarning bir guruh futbolchilari bosimi oqibatida "Alaves" to'pni yo'qotdi.

22-daqiqa. "Alaves"ning o'ng qanotdan rivojlangan hujumidan keyin berilgan zarba yo'liga Nacho to'g'anoq bo'ldi.

21-daqiqa. Garet Beyl ham jarima maydoniga kirmay zarba berib ko'rdi.

19-daqiqa. Benzema va Azar juftligi burchak zarbasi ishlay olmadi.

17-daqiqa. Luka Modrichdan to'pni qabul qilib olgan Azar darvoza tomon zarba berdi, biroz noaniq.

14-daqiqa. Hozircha "Alaves" to'pga ko'proq egalik qilishga urinmoqda va yomon o'yin ko'rsatmayapti.

11-daqiqa. "Real"ning o'ng qanotdan uyushtirmoqchi bo'lgan hujumi uzilib qoldi.

Futbolchi o'rnidan turdi.

8-daqiqa. Maydon markazida Xoselu (Alaves) yiqilib yotibdi.

7-daqiqa. Eden Azarga nisbatan yangi mavsumdagi birinchi qo'pollik amalga oshirildi.

6-daqiqa. O'yindagi birinchi xavfliroq vaziyat "Real" darvozasi oldida yuzaga keldi, kuchli zarbadan keyin Tibo to'pni ushlab oldi.

3-daqiqa. Alaba bugun chap qanotda harakat qilmoqda.

1-daqiqa. O'yin boshlandi!

"Alaves" – "Real Madrid"

15 avgust, 01:00, Mendisorrosa

"Alaves" – Pacheko, Agirregabiria, Laguardia, Duarte, Manu Garsiya, Pina, Pere Pons, Mendes, Rioxa.
"Real Madrid" – Kurtua, Nacho, Militao, Alaba, Modrich, Kazemiro, Valverde, Vaskes, Benzema, Beyl, Azar.

La Liga. Benzemadan dubl, "Real Madrid" safarda "Alaves" ustidan yirik g'alabani qo'lga kiritdi