UZ

Сўнгги янгиликлар

18:47Olamsport: WBC рейтингидаги ўзбек боксчилари, Конор Макгрегор Twitter'ни сотиб олмоқчи ва бошқа хабарлар  0 18:35"Металлург" ва "Динамо" жамоалари стадионга етиб келишди  1 18:21Омар Моманидан карикатура: Роберт Левандовски келаси мавсум қаерда ўйнайди?  2 18:07Суперлига. Бугунги ўйинлар бошланмоқда  8 17:58"Бавария" Дембелени Мюнхенга ўтишга кўндирмоқчи  0 17:34Алаба "Бетис"га қарши ўйинга тайёр  0 17:11"Реал"нинг қачон Мбаппе трансферини эълон қилиши маълум бўлди  6 16:48Ўзбекистонга келган 1998 йилги Жаҳон чемпиони Шомуродов ҳақида гапирди  11 16:48"Реал" Лунин кетса, Оспина билан шартнома имзолаши мумкин. Украиналик кўпроқ ўйнамоқчи  1 16:26Руни "Сити"нинг 2012 йилги чемпионлиги ҳақида: "Ўтказиб юборган КПР бирдан тўпни рақибга бермоқда, Сиссе "шаҳарликлар" билан ғалабани нишонлайди. Саволлар юзага келмагани эса ғалати"  5 16:18Бугун футбол. "Насаф" - "Қизилқум"  10 16:01Ди Мария "Ювентус" билан шартнома борасида келишувга эришди  0 15:51Спортчилар ижтимоий тармоқларда  0 15:23Бугун футбол. "Навбаҳор" - "Нефтчи"  35 15:20Омар Моманидан карикатура: "Ливерпуль"нинг 4та совринни ютиш орзуси ҳали ҳам амалга ошиши мумкин  8

Аҳмаджон Мусаев: «Уругвайга қарши учрашувдагидан кўра яхшироқ ўйин кўрсатамиз» Янгиликлар

Аҳмаджон Мусаев: «Уругвайга қарши учрашувдагидан кўра яхшироқ ўйин кўрсатамиз»

2 июль, сешанба куни Ўзбекистон U-20 ёшлар терма жамоаси U-20 ЖЧ-2013 нимчорак финал босқичи доирасида Греция терма жамоасига қарши майдонга тушади.
Ушбу ўйин арафасида, 1 июль куни Газиантеп шаҳридаги «Dedeman» меҳмонхонасида Ўзбекистон ёшлар терма жамоаси бош мураббийи Аҳмаджон Мусаев иштирокида матбуот анжумани бўлиб ўтди.

«Мусобақани ажойиб тарзда ташкил этгани учун, аввало, Туркия футбол федерациясига миннатдорлик билдиришни истардим. Жаҳон чемпионати нимчорак финалига чиққан барча жамоаларни, жумладан, Греция ёшлар терма жамоасини ҳам табриклайман», - деди Аҳмаджон Мусаев.

Греция ёшлар терма жамоаси гуруҳ босқичида Мексика терма жамоасини мағлубиятга учратиб, Мали ва Парагвай терма жамоалари билан дуранг ўйнади. Натижалари Парагвайники билан тенг бўлиб қолгани сабаб, қуръа натижасига кўра, Греция гуруҳ ғолиблигини қўлга киритган эди. Гуруҳ босқичининг 2-туридан сўнг нимчорак финал йўлланмасини нақд қилган Ўзбекистон ёшлар терма жамоаси эса сўнгги турда Уругвайга йирик ҳисобда имкониятни бой бериб қўйди.

«Албатта, биз Греция ёшлар терма жамоаси ўйинларини таҳлил этиб чиқдик. Греклар ўз гуруҳларида биринчи ўринни эгаллашди, шунинг ўзиёқ жамоа қандай кучга эга эканлигини кўрсатиб турибди. Жамоа қатъий интизомга асосланган: гуруҳ босқичида фақат бир нафар грек футболчиси ҳакам карточкасига лойиқ кўрилди», - деди Ўзбекистон ёшлар терма жамоаси бош мураббийи.

«Уругвайга қарши ўйинда омадсизликка учрадик. Бироқ кейинги босқич йўлланмасини қўлга киритиб улгургандик. Албатта, эртага Уругвайга қарши учрашувдагига нисбатан яхшироқ ўйин кўрсатишимизга ишонаман. Биз Грецияга қарши баҳсга тайёрмиз. Шубҳасиз, бизни сешанба куни қизиқарли ва томошабоп ўйин кутиб турибди», - деди Аҳмаджон Мусаев.

Бош мураббий фикрларини терма жамоа вице-сардори Бобурбек Йўлдошев ҳам қўллаб-қувватлади: «Афсуски, гуруҳ босқичининг сўнггти турида Уругвайга имкониятни бой бериб қўйдик. Бироқ биз Грецияга қарши ўйинда Уругвай билан учрашувдаги хатоларни такрорламоқчи эмасмиз. Жамоадаги ички муҳит аъло даража, жамоадошларим кайфияти яхши. Биз Грецияга қарши ўйинга тайёрмиз».

Туркиялик журналистлар Ўзбекистон ёшлар терма жамоаси бош мураббийига шундай савол билан мурожаат қилишди: «Турк клубларига ўз шогирдларингиздан бирортасини тавсия қиласизми?».

«Ушбу жаҳон чемпионатидан сўнг, Туркия чемпионатида Ўзбекистон U-20 ёшлар терма жамоаси аъзолари пайдо бўлса, бундан фақат хурсанд бўламиз. Туркия чемпионати савияси анча юқори ҳисобланади, шундай экан, бу ерда кучсиз футболчилар бўлмайди», - дея қўшимча қилди Ўзбекистон U-20 ёшлар терма жамоаси бош мураббийи Аҳмаджон Мусаев.
Рейтинг:    

Фикрлар

championat.asia
< сўнгги янгиликларни кўриш
Яндекс.Метрика