"Қатардаги жаҳон чемпионатига бораман. Бу ҳафта бизда учрашув бўлади. У ерда мен ҳам бўлмоқчиман. Мураббийлар штабига қўшилишга тайёрман. Биз бош мураббий Лионель Скалони билан суҳбатлашдик. Шунингдек футбол федерацияси президенти Клаудио Тапиа билан ҳам. Биз буни синаб кўришимиз керак.
Мен у ерда бўлишни истайман, аммо қандай ролда? Агар жаҳон чемпионатига борсам йигитлар билан бирга бўламан, улар билан шуғулланаман. Бу муаммо эмас. Мен уларнинг ёнида бўлиб, уларга мотивация бермоқчиман", - деди Агуэро.
Эслатиб ўтамиз, Агуэро юраги билан боғлиқ муаммолар сабаб футболчилик фаолиятини эрта якунлаганди.
