Bunga qadar Turkmaniston (1:0) milliy terma jamoasi, Xitoy Superligasi vakillari - “Cindao Huanxay” (3:1) va “Shandun Lunen”ga (0:2) qarshi nazorat uchrashuvlarini o'tkazgan AGMKning bu galgi raqibi OCHL ishtirokchisi - “Shanxay SIPG” jamoasi bo'ladi.
Mazkur jamoada jahon futboli (Oskar, Xalk, Arnautovich) va osiyo futboli (Odil Ahmedov) yulduzlari to'p tepadi.
O'yin 10 fevral kuni, Toshkent vaqti bilan soat 17:00da boshlanadi.
“Shanxay SIPG”ga qarshi kechadigan uchrashuv AGMKning Dubaydagi o'quv-mashg'ulot yig'ini doirasidagi oxirgi bahsiga aylanadi va AGMK 11 fevral kuni BAAdagi yig'inni yakunlab, Toshkentga qaytib keladi.
