Bu gal AGMKning iqtidorli yarim himoyachisi Xusniddin G'ofurov bilan suhbatlashdik. Unga futbolga oid 8, futboldan tashqari 3ta savol bilan murojaat qildik.
- Siz o'yinlarini bevosita kuzatgan eng kuchli futbolchi kim?
- O'ylashimcha, Ronaldinyo. "Afsungar"ning harakatlarini oldindan taxmin qilib bo'lmasdi.
- Tarixdagi eng kuchli jamoa (yoki terma jamoa) sifatida qaysini ko'rsata olasiz?
- Luiz Enrike boshchiligidagi "Barselona" - 2015.
- Siz ko'rgan eng chiroyli gol qaysi?
- Messining "Atletik Bilbao" darvozasiga kiritgan to'pi. Leo to'pni maydon markazida qabul qilib olib, basklarning yarim tarkibini aldagan edi.
- Futbol olamida boshqalardan mutlaq ajralib turadigan shaxs kim?
- Men uchun boshqalardan mutlaq ajralib turadigan shaxs - Karles Puyol. U haqiqiy sardorlarning timsoliyu
- O'zbek futboli qiroli kim?
- Shubhasiz, Mirjalol Qosimov.
- Nechanchi yillardagi terma jamoamiz barcha davrlarning eng kuchlisi edi?
- 2010-2015 yillardagi milliy jamoamiz.
- O'zbekiston chempionatlarida o'ynagan eng kuchli xorijlik o'yinchi kim?
- Dragan Cheran bo'lsa kerak.
- O'zingiz o'yinlarini kuzatgan futbolchilar orasidan ramziy jamoa tuzib bering.
- Mark-Andre ter Shtegen, Daniel Alves, Karles Puyol, Nemanya Vidich, Marselo Vieyra, Xavi, Andres Inesta, Ronaldinyo, Stiven Jerrard, Lionel Messi, Dide Drogba.
Murabbiy: Pep Gvardiola.
- Yoqtirgan kitob yoki kinongizning nomini ayting.
- Ruslarning "Brigada" seriali.
- Siz uchun baxt nimadan iborat?
- Ota-onam va oilamning tinchligi.
- Hayotingizning burilish nuqtasi sifatida qaysi voqeani eslaysiz?
- Mol boqishdan katta futbolga kirib kelganim (kuladi).
