Uchrashuvdagi yagona gol muallifi Ulug'bek Hoshimov mikst-zonada bir nechta savollarga javob qaytardi.
- O'yin haqida
- Birinchi o'yinda har doim qiyin bo'ladi. Shunga qaramasdan, o'z o'yinimizni ko'rsatdik. Ko'rganingizdek, g'alaba qozondik. Xudo xohlasa, bundan keyingi o'yinlarda ham muxlislar bizni qo'llab-quvvatlashini kutib qolamiz.
- Bilamizki, O'zbekiston olimpiya terma jamoasi bundan ham yaxshi o'ynay oladi. Bugun nima yetishmadi deb o'ylaysiz?
- "O'yinimiz chiqmadi" deyish xato bo'ladi. Baribir birinchi uchrashuv qiyin o'tadi. Bundan keyingi o'yinlarda yaxshiroq harakat qilishga intilamiz.
- Timur Kapadze sizga nimalarni uqtirdi? Maydonga tushgach, o'yinni kuchaytirdingiz...
- Gol bo'lmadi. Murabbiy gol urilishini xohladi, men ham. O'yin yaxshi o'tdi. Hamma xursand bo'ldi deb o'ylayman.
- Bu 3 ochko siz uchun nimani anglatadi? Keyingi turda Qatar bilan o'ynaysizlar. Nimani kutyapsiz?
- Hamisha g'alaba qozonishga harakat qilib kelganmiz. Maqsadimiz – Osiyo Kubogida 1-o'rinni olish. Bundan tashqari, Olimpiadaga chiqishni mo'ljallaganmiz. Bugun 3 ochkoga ega bo'ldik. Qatarni ham engib, chempionlik sari olg'a boramiz.
