Зайниддин Тожиев олий лигада бешинчи клуб сафида гол урди
01 oct 2013 10:36
News

Зайниддин Тожиев олий лигада бешинчи клуб сафида гол урди

Тажрибали ҳужумчи Зайниддин Тожиев 20-турда “Нефтчи”даги ўзининг дастлаблки голини уришга муваффақ бўлди.

2001 йилдан буён олий лигада фаолият олиб бораётган ҳужумчи бунга қадар тўртта клуб сафида гол уришга эришганди.

Ўзининг олий лигадаги дебют мавсумини Зайниддин Тожиев Тошкентнинг “Академия” клубида ўтказган ва рақиблар дарвозасига жами 10та гол урганди.

Сўнгра бир неча йил давомида “Пахтакор” шарафини ҳимоя қилиб рақиблар дарвозасига жами 70та гол урган.

2010 йил “Шўртан” таркибида 8та ўйинда қатнашиб иккита гол уришга эришган Тожиев 2012 йил “Локомотив” билан олий лигага қайтди. Бу клуб сафида олий лигада бир ярим мавсум ўндан ортиқ тўп киритишга муваффақ бўлди. Ёзда эса Зайниддин Фарғонадан бўлган таклифга рози бўлди ва “Нефтчи” таркибидан ўрин олди.

Link :

Source : championat.asia

Receive latest football news directly on your phone. Subscribe for our Telegram channel!

Rating: