Хитой чемпиони "Рома" футболчиси учун 40 млн. евро тўлашга тайёр
05 jan 2018 15:26
News

Хитой чемпиони "Рома" футболчиси учун 40 млн. евро тўлашга тайёр

"Рома" ярим ҳимоячиси Ража Найнгголан Хитой чемпионатининг амалдаги ғолиби "Гуанжоу Эвергранд" қизиқишлари доирасида.

Қизиқиш ҳақидаги ушбу хабар футболчи билан содир бўлган можародан сўнг пайдо бўлди.

Бельгиялик футболчи Янги йилни дўстлари даврасида кутиб олди. У байрам пайти ижтимоий тармоқларнинг бирида видеотрансляция уюштирди. Футболчи трансляция вақтида спиртли ичимлик ичиб, оғзига келган беъмани гапларни айтди. Кейинроқ ушбу видео ўчириб ташланди. 29 ёшли Найнгголан ушбу воқеадан бир неча соат ўтиб ўзини тутиши учун узр сўради.

Маълумотларга кўра, Хитой клуби раҳбарияти Найнгголан учун 40 млн. евро тўлашга тайёр, аммо футболчининг ўзи Хитойга ўтишдан воз кечиши мумкин. Олдинроқ, Найнгголан "Челси" ва "Ювентус" таклифини рад этган эди.

"Рома" ўз ярим ҳимоячисини 50 млн. еврога баҳоламоқда.

Link :

Source : Gazzetta dello Sport

Receive latest football news directly on your phone. Subscribe for our Telegram channel!

Rating: +3