Хиддинк: "Азар футболдан роҳат олди, бу "Челси" учун яхши белги"

Ушбу ўйинда Азар дубль қайд этди.

"Биз кучли ўйин кўрсатдик, айниқса иккинчи бўлимда. Учрашувнинг биринчи қисмида майдонда очиқ футбол бўлди. Бизга майдон марказида яхши ҳаракат қилиб, хавфли вазият ярата оладиган жамоа қаршилик қилди. Улар биз каби гол уриши мумкин эди.

Сўнгги 10 кунда Азар билан унинг майдондаги ҳаракати борасида ишладик. У жуда яхши ўйнади ва осон ҳаракатланди, шу сабабли уни асосий таркибга қўшдим. Аввалига биз Азарга 45 дақиқа ёки ундан бироз кўпроқ бермоқчи эдик, аммо у бугун футболдан роҳатланди ва ўзгартирилмади. Бу Азар ва жамоа учун яхши белги" - дейди Хиддинк.