Венгер Кубарсининг Лаутарога қарши "подкати" ҳақида: "Мен бундай пенальтиларга ва секинлаштирилган кадрлардан фойдаланишга мутлақо қаршиман"

Италия жамоаси ярим финалнинг жавоб ўйинида 4:3 ҳисобида ғалаба қозониб, Чемпионлар Лигаси финалига чиқди (биринчи ўйин – 3:3). Биринчи таймнинг сўнгги дақиқаларида ҳакам Шимон Марчиняк Пау Кубарсининг Лаутаро Мартинесга қарши "подкати" учун миланликлар фойдасига 11 метрлик жарима тўпини белгилади.  

"Мен бундай пенальтиларга мутлақо қаршиман ва секинлаштирилган кадрлардан фойдаланишга ҳам қаршиман.  

Оддий тезликда бу ажойиб "подкат", у [Кубарси] тўпга биринчи бўлиб етиб келди. Нима учун у [Лаутарога] тегди? Лаутаронинг нима қилганини кўринг. У пенальти ишлашга уриниди, чунки у гол ура олмаслигини тушунди ва ёнида ҳимоячи борлигини ҳис қилди.  

Ҳакам бу вазиятда нотўғри қарор қабул қилди. У [Кубарси] тўпга биринчи бўлиб етиб келди, мен учун энг муҳими шу. Қолганини Лаутаро қилди. Контакт бор-йўқлиги муҳим эмас, муҳими – ким тўпга биринчи етиб келгани", – деди "Арсенал"нинг собиқ бош мураббийи beIN SPORTS эфирида.